InfoHub Logo

Sabaqtyń taqyryby: «İzdegende tabylatyn qasyńnan» atty tárbıe saǵaty
6 synyp
Sabaqtyń maqsaty:
A) Oqýshylarǵa dostyń adam ómirindegi mańyzy, orny, dostyqtyń shynaıy belgisi týraly aıtyp túsindirý, dosqa degen tanymyn, talǵamyn shyńdaý;
B) Óz oılaryn ashyq aıta bilýge, suraqqa oılanyp naqtyly tolyq jaýap bilýge úıretý, oılaý qabiletterin, tilderin damytý;
S) Oqýshylardy adamgershilikke, ımandylyqqa, adaldyqqa, tatý, meıirimdi bolýǵa tárbıeleý, dostyq týraly jaqsy pikir qalyptastyrý; Oqýshylardyń dostyq týraly oı - pikirlerin damytý, dostyqty qadirleı bilýge tárbıeleý, adal dos taba bilýge baýlý.
Sabaqtyń ádisi: suraq - jaýap, baıandaý, toptyq saıysý.
Sabaqtyń kórnekiligi: Dostyq týraly naqyl sózder, maqal – mátelder, býklet, syzba nusqalar, prezentasıa.
Sabaqtyń barysy:
Gúljamıla apaı: Qurmetti ustazdar, oqýshylar búgingi bizdiń 6 «B»- synybynda «İzdegende tabylatyn qasyńnan» atty ashyq tárbıe saǵatyna qosh keldińizder.
Dosym, saǵan senemin, senip ótem,
Joly bóten demeımin, jóni bóten.
Dostyq degen ómirdiń kórigi eken,
Dostyq degen ómirdiń tiregi eken, - dep aqıyq aqyn Muqaǵalı Maqataev jyrlaǵandaı búgingi tárbıe saǵatymyz ómirge sán beretin adam boıyndaǵy ǵajaıyp sezim «dostyq» týraly. Ómirde kóp kórgeni bar, dostyq mektebinde shyńdalǵan aqyndardyń jyrlaryn oqyp, ultymyzdyń qasıetti hadısterin jattap, danalardyń sózderin sanamyzǵa toqyp, dostyq degen uǵymnyń adam boıyndaǵy jaqsy qasıetter ekenine kóz jetkizip, adal dosty jalǵan dostan aıyra bilýimiz kerek dep oılaımyn.

Gúljamıla apaı: Armysyzdar! Dostyq – adamdardyń bir - birin jany qalap, shyn jaqyn kórip, qaltqysyz senip, tilektes, murattas bolýy. Dostyq týraly uly fılosoftar men aqyn - jazýshylarǵa qosa, ustazdar men ǵalymdardyń oı tolǵamaǵany, onyń mánin, syryn bilýge talpynbaǵan adam kemde - kem. Munyń ózi dostyqtyń adam ómirinde alatyn kıeli ornyna, zor mańyzdy baılanys ekeni daýsyz.

Gúljamıla apaı: «Shyn dos úshin qalaıda
Tik qaterge basyńdy.
Aıyra bil alaıda
Dosyń menen qasyńdy» - deı kele sizderdi dostyq týraly ashyq áńgimege shaqyramyn.

Gúljamıla apaı: Bizdiń synybymyz úsh topqa bólinip otyr. Birinshi top Dos, ekinshi top Joldas, úshinshi tobymyz Qurby – qurdas. Birinshi top basshysy Arystanbek, ekinshi top basshy Sultanbek, úshinshi top basshymyz Jolaman.

Arystanbek: Naǵyz dos bir – birine tarylmaıdy,
Jýyrda túrtkenine jarylmaıdy.
Jaqsy – jaman aıtar dep elemeıdi,
Baq - dáýlet sol adamnan aıyrylmaıdy.

Sultanbek: Ne jetedi naǵyz dosqa, asylǵa,
Qýansań da, qaıǵyrsań da qasyńda.
Qınalady - sen qınalsań bolǵany,
Uıyqtamasań - uıyqtamaıdy ol daǵy.

Jolaman: Adal dos barlyq jerde kerek eken,
Ómirde dostyń orny bólek eken.
Jaqsy dos jadyratsa jan dúnıeńdi,
Jaman dostan jamandyq keledi eken!

Gúljamıla apaı: Sizder dostyqty qalaı túsinesizder? Dostyqtyń shynaıy belgisi qandaı? Úsh top óz oılaryn jazyp tapsyrady.

Qýat: Dos emes, dostyń sózin kótermese,
Salǵan jerden túbińe jetem dese.
Ne qylyp, dos atyna qosylady,
Kóterip bir sózińdi búıtem dese.

Venera: Naǵyz dos bir – birine tarylmaıdy,
Jýyrda túrtkenine jarylmaıdy.
Jaqsy – jaman aıtar dep elemeıdi,
Baq - dáýlet sol adamnan aıyrylmaıdy.

Merýert: Jaqsynyń árbir sózin qaıyrmańyz,
Jasyǵan jezdeı bolyp moıymańyz.
Syr almaǵan bireýmen dos bolam dep,
Syr alǵan dosyńyzdan aıyrmańyz.
Gúljamıla apaı: Dostyq ómirdiń eń zor qýanyshtarynyń biri, syryńdy aıtatyn, qýanysh - qaıǵyńdy bólisetin adamnyń bolýy.
Dos bolý kıeli uǵym. Ertedegi adamdar dos bolý úshin ne istegen kim qalaı oılaıdy?
Gúljamıla apaı: Ertede dos bolý úshin er azamattar «mal qudaıy» jasap, maldyń baýyzdaý qanyna kóılekterin batyryp, kóılek aýystyryp kıip, júrekterin túıistirip yrym jasaǵan, ıaǵnı, «Keýdeleri túıisken, qandy kóılek kıisken» degen yrymen dostyqty sıpattaımyz dep sert bergen eken. Sonymen, kimde qandaı oı bar? Ertede dos bolý úshin ne istegen eken?
Jarylǵasyn: Avstralıalyqtar ǵana ózderinen úsh nárse satyp alǵan adamdy ǵana dos sanaǵan.
Nursultan: Ejelgi orystar bir jasaqtaǵy áskerlerdi «dostar» dep sanaǵan.
Jamal: Dostyq kelisim shartyn arabtarda jasaǵan. Olar shart jasar aldynda ústelge iri qara tuz salynǵan ydys ákep, árqaısysy bir ýystan jegen. Arab fılosofy Fadlan «Dostar da bári as isher ydysta, jýynatyn tabaqta, tipti, kıimi de ortaq bolýy tıis» degendi aıtady.
Gúljamıla apaı: Eń áýeli «Dostyq týraly» uly ǵulama, oıshyldardyń aıtqan sózderinen úzindiler keltireıik.
Nurjanat: Al, ejelgi grek fılosofy, ǵalym, oıshyl Arıstotel bylaı degen eken: «Dostyq – ómir úshin eń qajetti nárse, óıtkeni eshkim eshqashan da ıgilikke túgel ıe bola tursa da, dos – jaransyz ómirdi qalamaq emes».
Lola: Adamdar arasyndaǵy dostyq sezimi ómirde olardyń birin - biri qajetsinýinen, qurmet tutynýynan, shynaıy tilektestik pen ózindeı kórip senýinen, bir - birine tirek, medet bolýynan, qam - qaıǵysyz kezde ǵana emes, ásirese, qıyn - qystaý kúnderinde irkilmesten qasynan tabylýdan, rıasyz, esepsiz jomarttyqtan kórinedi. Abaı armandaǵandaı, syn saǵatta «Munan meniń qaı janym aıaýly»,- dep, qasyńda birge turyp qana alatyn adam ǵana dosqa laıyq.
Mýstafa: Ózbektiń aqyny Álisher Naýaı aıtqan:
Jaqsy kıim boıǵa jarasady,
Jaqsy joldas oıǵa jarasady.
Gúljamıla apaı: Endi, dostar taqtaǵa nazar aýdaryp, eki top Myqty bolsań, ozyp kór bólimine toqtalyp, suraqqa jaýap izdeıik.
Gúljamıla apaı: Endeshe Dos tobynan suraq qoıyp bastasaq. Dostyq sezimi degenimiz ne? Ol neni bildiredi?
Gúlsara: Dostyq aspandaǵy jaryq juldyz, teńizdegi gaýhar tas. Juldyz da, gaýhar tasta kirshiksiz móldir. Bul ekeýin eshkimde, esh qudirette kirlete almaıdy. Naǵyz dosyń adamǵa shabyt berip, ómirde kezdesetin sátsizdikterge moıymaýǵa úıretý.
Venera: Dostyq sezimi – ómirde adamdar birin – biri qajetsinýi men shynaıy qurmet tutýy.
Madına: Dostyq sezimi - birine – biri tirek bolyp, qıyn qystaý kúnderde birge bolyp janynan tabylýy.
Gúljamıla apaı: Naǵyz dostyń belgisi ne? Qalaı oılaısyńdar?
Dos tobynan Ersultan: «Jaqsy adam táńirdiń nury» degendeı óziń jaqsy bolsań, dosyń kóp. Jaman bolsań dosyń joq. Ortasha bolsań bir jaqsyǵa ilese alasyń.
Joldas tobynan Isabek: Jany taza, júzi jyly, jóni túzý, aqyldy, parasatty bolý - naǵyz dostyqtyń belgisi.
İzdegende tabylatyn qasyńnan atty tárbıe saǵaty júkteý