InfoHub Logo

Páni: músindeý
Oqý is - áreketiniń taqyryby: Kókónister
Maqsaty: kúz aılary molshylyq, bereke syılaıtyn mezgil ekenin, kókónister men jemisterdiń pisip, jıyn - terin bolatynyn túsindirý; zattyń nusqasyna qaraı otyryp músindeý daǵdylaryn bekitý; ermeksazdy kókónistiń túsine sáıkes tańdaı alýǵa úıretý.
Kerekti quraldar men materıaldar: jemister men kókónister mýlájdary, daıyn úlgi retindegi kókónister, ermeksazdar, taqtaısha, taıaqsha, qoloramal.
OİÁ - iniń barysy: İ. Uıymdastyrý.
Balalardyń nazaryn sabaqqa aýdartý.

İİ. Negizgi bólim.
1) «Kókónister men jemisterdi ajyrat» dıdaktıkalyq oıynyn oınatý. Oıyn oınaý arqyly balalar kókónister men jemisterdi ajyratady.
2) Balalardan jyldyń qaı mezgili ekenin, kúz mezgili nesimen basqa jyl mezgilderinen erekshelenetinin surap bilý. Kúzde barlyq jemis - jıdekter, kókónister pisip, olardy jınaý naýqany bastalady. Kúz aılaryn molshylyq, bereke, mereke syılaıtyn mezgilge jatqyzatynymyzdy aıtyp túsindirý.
3) Búgin kókónisterdi ermeksazdan jasaıtynyn habarlaý. Jumys barysynda qaı bala kókónisterdiń qaı túrin jasaıtynyn tańdap alady. Kókónistiń ol túrin jasaý úshin ermeksazdyń qandaı túsin tańdaıtynyn kórsetedi. Kókónisterdiń pishinderi ártúrli bolatyndyqtan balalardan sábizdiń pishini qaı geometrıalyq fıgýraǵa uqsaıtynyn, sondaı - aq kartop, qyzylsha, shalqandardyń pishinderi nege uqsaıtynyn surap anyqtaý.

4) Balalar músindeý kezinde qandaı tásildi qoldanatynyn aıtady.
Kókónisterdiń jumys dápterindegi jasalý jolyn kórsetip, túsindirip berý.
Jumys barysy:
- Qyzyl, kúreń qyzyl, jasyl, qyzyl sary ermeksaz kesekterin jumsartyp alamyz.
Kókónisti jasaý:
qyzanaq - qyzyl domalaqtalǵan ermeksazdyń joǵarǵy bóligine saýsaǵymyzben batyryp basa otyryp shaǵyn oıyqsha jasaımyz, oıyqshaǵa jasyl ermeksazdan jasalǵan saǵaǵy menjapyraǵyn ornatamyz;
qıar - jasyl ermeksazdan jasalǵan sılındrdiń eki shetin domalaqtap tegisteımiz, tis shuqyǵysh shıdiń kómegimen qıardyń betine búrtikter salamyz;
qyzylsha - kúreń qyzyl domalaqtanǵan ermeksazdyń bir búıirin sozý tásilimen tamyryn shyǵaramyz, joǵarǵy bóligine jasyl ermeksazdan nemese tústi qaǵazdan jasalǵan japyraǵyn bekitemiz.
sábiz - sılındr pishindi ermeksazdyń bir ushyn azdap sozyp, tis shuqyǵysh shıdiń kómegimen ústine jińishke syzyqtar túsiremiz, joǵarǵy bóligine jasyl ermeksazdan nemese tústi qaǵazdan jasalǵan japyraǵyn biriktiremiz;
burysh - jasyl tústi ermeksazdyń bir ushyn azdap sozyp, domalaqtap tegisteımiz, joǵarǵy bóligin saýsaǵymyzdy batyra basyp, shaǵyn oıyqsha jasaımyz da, oǵan ermeksazdan jasalǵan japyraqtyń saǵaǵyn bekitemiz.
Balalar jumys dápterin alyp, músindeýdiń oryndalý retimen tanysyp, jumysty oryndaıdy.

İİİ. Oqý is - áreketin qorytý.
Daıyn bolǵan kókónisterdiń músinin ústel ústine qoıyp,
«Bizdiń ónim» atty kórme uıymdastyrady. Balalarmen birge jumystardy baǵalap, kimniń jumysy sátti shyqqanyn anyqtap, sabaqty qorytyndylaý.

Atyraý oblysy, Isataı aýdany
Zıneden selosy, Iý. Gagarın atyndaǵy orta mektep
MAD synybynyń tárbıeshisi
Qurmasheva Nurgúl Muhambetqalıqyzy