Qolóner - zor óner (2)
"Sheberdiń qoly altyn", - deıdi atam qazaq. Sózge de sheber, iske de usta halqymyzdyń zor mádenıeti men ónerin pash etetin qundylyqtarynyń biri - onyń qolóneri. Aǵashtan, temirden túıin túıgen, júnnen kóz jaýyn alatyndaı buıym jasaǵan, asyl tastardan sán buıymdaryn soqqan, súıek pen múıizdi, shıdi qıynynan qıystyrǵan halyq sheberleriniń isi - maqtaýǵa turatyn óner týyndysy.
Qashaý - temirden jasalǵan aǵash oıatyn qural.
Qazıek - soǵatyn, qyzdyratyn temirdi ustaıtyn qural.
Qýysqulaq - júzi qýys aǵash oıatyn qural.
Qalyp - etikshi quraly, aǵashtan jasalǵan aıaq úlgisi.
Qaıshy - mata qıatyn tiginshi quraly.
Temir qaıshy - qańyltyr qıatyn qaıshy.
Túrpi - aǵash minin alatyn budyrly temir qural.
Teskish - temir, qańyltyr tesetin ushty qural.
Yrǵaq - tezden shyqqan aǵashtardy úlgige keltiretin qarapaıym qalyp retindegi qural.
Qaqsal aǵash - ábden kepken, úı jasaýǵa jaramdy aǵash.
Mor - qaqsal aǵashty jumsartý (balqytý) úshin jasalatyn pesh.
Obyn - úı aǵashyn jumsartý úshin jer astynda jasalatyn pesh.
Qoz - aǵashty jumsartý úshin ot jaǵatyn oryn.
Tez - mor, obyn, qozdan jumsaryp shyqqan úı aǵashyn túzetetin nemese ıetin úıshi quraly.
Syqaýryn - tezdegi aǵashtyń qısyǵyn jambasqa salyp túzetetin óte qatty aǵash.
Talqy - kepken terini, kóndi, sirini uıysqan júndi jumsartatyn aǵashtan jasalǵan qural.
Úski - kók (taspa) ótkizý úshin kerege tesetin qural.
Túıebel - shı toqıtyn qural,"shı qurǵysh" dep te ataıdy.
Sarnaýyq - keregege syzyq salatyn temir aspap.
Tisteýik - shege sýyratyn temirden jasalǵan qural.
Tós - paıdalanylatyn temirdi salyp taptaıtyn salmaqty, berik temir tuǵyr.
Oımaq - tiginshilerdiń, etikshilerdiń saýsaǵyna kıetin oıyq temir.
Teri oımaq - teriden jasalǵan oımaq.
Qoj - ustalardyń kómir salatyn súıekten jasalǵan qalaǵy.
Urshyq - jip ıiretin qural. Onyń qańǵalaǵy, ıaǵnı basy, jáne saby bolady. Sabynda burmashasy bolady.
İldirgi - aǵashtan, súıekten, temirden jasalatyn toqymashy quraly.
Pyshaq - kesetin qural.
Shot - aǵash shabatyn qural.
Náskúrik - aǵashty tegistep jonatyn qural.
Tigin mashınasy - tiginshiniń bas quraly.
İskenje - temirdi qysyp turatyn burama aýyzdy qural.
You Might Also Like
