InfoHub Logo

Kishi júzdiń  Orta júzge bergen bir qyzy bar eken. Orta júzge barǵan Kishi júzdiń jigitterinen bir kúni qyz kóıleginiń úshkilin berip jiberipti. «Ózderi biler», — dep. Biraq ta Kishi júzdiń kóp kisileri sheshe almaı Aldar bıge barypty. Aldar bı kóılektiń úshkilin kórip:

— Bizdiń orta júzde bir qyz bar eken, beınet kórip júrmin, alyp ketińiz degeni bolar, — depti. Tanymaıtyn qyzdy alyp kelýge Syrymdy jiberedi. Syrym kelip sol eldiń Móńke bı degenniń úıine keledi. Qyzdyń aty-jónin bilmegesin Móńke bı Syrymnyń qasyna bári birdeı kıingen qyryq jigit, qyryq birinshi Syrym qylyp ertip jiberipti jáne sol aýyldan qyryq birinshi qyz kıinipti, sosyn barlyǵyn kezdestiripti.

Syrym qyzdyń bireýimen qushaqtasyp jylaı ketedi. Sol qyz izdep kelgen qyzy bolyp shyǵady. Móńke bı Syrymǵa:

— Qalaı tanydyń? — depti.

— Qyryq qyz toıdan qaıtqan kisilershe kúlip-oınap kele jatyr eken, meniń qaryndasymnyń óńi olarǵa tartpaǵan, synyq eken, — depti. Sonda Móńke bı Syrymǵa: Jasyńnan qara daýǵa áýes bolǵan ekensiń, sirá janyń uzaq bolmas eken, — depti.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---