InfoHub Logo

Bárimizge belgili KHDR (Koreı Halyq Demokratıalyq Respýblıkasy. jabyq memleket bolyp tabylady. 1948 j 9 qyrkúıekte KHDR resmı túrde jarıalandy. 2016 jylǵy halyq sanaǵy boıynsha 25 368 620 adamdy quraıdy. Jer aýmaǵy álem boıynsha 97 shi orynda. Astanasy Phenán qalasy. Mundaǵy ishki tyıymdarǵa toqtalsaq.

1. Kók tústi djınsy kıýge bolmaıdy. Koreıa úkimeti ımperıalızm men kógildir tústi baılanystyrady. Iaǵnı kók tústi djınsy kıgen adam halyq jaýy bolyp sanalady.

2. Gazdalǵan sýsyn ishý. Gazdalǵan sýsyn ishýge tyıym salǵan eki memlekettiń biri Soltústik Koreıa bolyp tabylady. Ony tek zańsyz túrde alýǵa bolady.

3. Ózge eldiń mýzykasyn tyńdaýǵa, fılmderin kórýge jáne kitaptaryn oqýǵa tyıym salynǵan. Bul zańdy buzatyn bolsa qatań jazalanady. Osylardan tek senzýradan ótkenderin ǵana paıdalana alady.

4. El ishinde emin-erkin bardy-keldi jasaýǵa bolmaıdy. Bir qaladan ekinshi qalaǵa barý úshin arnaıy ruqsat alý qajet, ol da ońaılyqpen berilmeıdi.

5. Munda zańdy jolmen páter ıesi ataný múmkin emes. Eldiń qarapaıym turǵynyna páter alý qıynnyń qıyny. Sondyqtan qara naryqtan alady nemese memleketke kezekke turady.

6. Jeke kóliginiń bolýy. Munda tek joǵary laýazymdaǵy adamdar ǵana jeke kólik ala alady. Qatardaǵy qarapaıym adamdardyń kólik júrgizgenin kórse birden abaqtyǵa jabady.

7. Din ustaný. Bul elde qandaı da bir dindi ustanýǵa tyıym salynǵan, sondyqtan barlyq derlik turǵyndar ateıs bolyp keledi. Sonymen qatar úılerinde dinı kitap ustaýǵa bolmaıdy. Munda tek basshylaryna ǵana tabynady.

8. Memleket basshysyna jáne otbasyna til tıgizýge bolmaıdy. Soltústik Koreı turǵyndary basshylary Kım Chen Yn jáne otbasy múshelerine degen mahabbattary men qurmetin kórsetýi kerek. Olar týraly basqa sóz aıtý bılikke qaýip tóndirgen bolyp esepteledi jáne sońy abaqtyǵa alyp keledi.

(Bilesiz be? Munda aıyptalýshy qylmysker jazany bir ózi emes otbasy múshelerimen túgel tartady. Ásirese, saıasattyq qylmystarǵa baılanysty. Eger, bir adam memleket basshysyna til tıgizgen bolsa, ata-anasy, balasy, tipti atasy men ájesi de aıypty bolady..

9. Aıtsa sengisiz, biraq munda árkim óz qalaýymen shash úlgisin jasata almaıdy. Memleket basshysy Kım Chen Yn taǵaıyndap bergen 28 túrli shash úlgileri boıynsha ǵana shash qıdyrtady.

10. Týrıster óz erikterimen barar baǵytyn belgileı almaıdy. KHDR-ǵa kelgen týrıske, qaıtqanǵa deıin arnaıy baqylaýshy bir adam taǵaıyndalyp birge júredi, týrıstik marshrýttardy da sol taǵaıyndaıdy. Sondaı-aq týrısterge jergilikti jerlerdi sýretke túsirýge jáne turǵyndarmen sóılesýge bolmaıdy.

11. Basshylyqty tańdaý. Munda da saılaýy bolady, biraq kimniń jeńetini daýys berý bastalmaı jatyp-aq bárine belgili.

12. BAQ (Buqaralyq aqparat quraldary) taratatyn kez-kelgen málimet bılik tarapynan qatań baqylanady. Jýrnalıs mamandarynyń jaýapkershiligi óte joǵary, sebebi mátindegi qate úshin jumystan aıyrylyp qana qoımaı túrmege jabylý da ǵajap emes.

13. Soltústik Koreı kóshelerinde bılikti jáne memleket basshysyn maqtap ilingen plakattarǵa tıisýge, qandaı da bir zaqym keltirýge bolmaıdy. Bul úshin uzaq jylǵa eńbek lagerine aıdalýy múmkin.

14. KHDR-da bala týylmaı jatyp, onyń qaı sanatqa jatatyny anyqtalady. Soltústik Koreıada adamdar úsh sanatqa bólinedi. Joǵarǵy, beıtarap jáne jaýlar. Bul elde tómengi sanattan shyqqan bala joǵary laýazymdarǵa kele almaıdy.

15. Turǵyndar basqa elge qonys aýdara almaıdy. Tek belgili sebeppen jáne arnaıy ruqsaty bar adam ǵana basqa memleketke bara alady. Esh sebepsiz elden qashpaqshy bolǵan adam ustalyp qalsa birden temir torǵa qamalady nemese atý jazasyna kesiledi. Buǵan qaramastan on myńdaǵan adam bul elden sátti qashyp qutylǵan.

Oqýǵa keńes beremiz:

Soltústik Koreıada oqýshy bolý degen ne?

Soltústik Koreıada bilim berý qalaı uıymdastyrylǵan

Soltústik Koreıadaǵy jalǵyz metrosynyń kórinisi qandaı?

Ońtústik Koreıadan aktrısa men rejıser urlatyp alǵan Kım Chen Ir

---