InfoHub Logo

Taqyryby: Zańdy bilseń, baldyrǵan.
Aqıqat shyǵar, aldyńnan! (1 synyp)
Maqsaty: 1. Elimizdiń bolashaǵyna óskeleń urpaqtyń jaýapty ekenin sanalaryna sińire otyryp, Ata zańyn syılaýǵa, qadirleýge, bilýge, saqtalýyna óz úlesterin qosýǵa talpyndyrý.
2. Adam ómiri men quqyqtary, bostandyqtary týraly kózqaras qalyptastyrý.
3. Adamgershilik, ultjandylyq, Otansúıgishtikke tárbıeleý.
Ádisi: STO tehnologıalary
Túri: quqyqtyq saǵat
Kórnekiligi: sýretter, slaıdtar.
Kútiletin nátıje: - Óz kózqarastaryn erkin bildiredi.
• Óz Otanyna ózderi jaýapty ekenin sanalaryna sińiredi.
• Ata zańnyń baptaryn óz jas ereksheligine saı biledi.
Mindeti: Otanymyz týraly bilimderin keńeıtý, Qazaqstannyń jańa azamatyn tárbıeleý, óz oıyn ortaǵa salý.

Ótý jospary:
1. Oılan «Adasqan áripter»
2. Tanys «Saltanat qurǵan quqyǵym»
3. Aıt «Bolady - bolmaıdy»
4. Kómektes
5. Bil «Ózińdi tany»
Oqýshylar QR Ánuranyn oryndaıdy.

İ. Qyzyǵýshylyqty oıatý.
Psıhologıalyq daıyndyq
Trenıń: Oılan «Adasqan áripter»
Sharty: Áripterdi durys ornyna qoısa, maǵynaly sóz shyǵady.
1. ń, a, z
2. t, l, a, p, a
3. n, m, i, e, d, t
4. q, y, u, q, q
5. t, r, t, á, p, i
Sabaqtyń taqyrybyn ashý úshin bul sózderdiń mańyzy bar.
- Balalar, myna sózderdiń qoǵamǵa, adam ómirine qatysy bar ma?
- Belgili bir erejege, zańǵa baǵynǵan adam tártipti bolady.

İİ. Maǵynany taný.
Taqyryppen tanystyrý:
«Zańdy bilseń, baldyrǵan,
Aqıqat shyǵar aldyńnan!»
Muǵalimniń kirispe sózi:
Adam dúnıege keledi. Ol ózi ómir súrgen ortadaǵy qoǵamnyń múshesi. Ár eldiń óz adamdaryna arnalǵan Zańy – Konstıtýsıasy bar. Ata Zańymyz eń aldymen adam quqyǵyn tý etip kóteredi. Sol sıaqty dúnıe júzi elderiniń bári qoldaıtyn ortaq zańdar men erejeler bar. Olar: «Adam quqyqtary jaıly jalpyǵa birdeı deklarasıasy» jáne «Balalardyń quqyǵy jaıly konvensıa».

Quqyq – zań arqyly retteletin adam quqyǵy.
Konstıtýsıa – qurylym.
Konvensıa -- kelisim.

2. Tanys. «Saltanat qurǵan quqyǵym».
Óz quqyǵynyń saltanat qurǵan jerlerin beıne sýretten atap kórsetemin.
Óz quqyǵyńdy anyqta, ata.
- Men mektepke barýǵa, oqýǵa quqyǵym bar.
- Ómir súrýge quqyǵym bar.
- Oınaýyma, demalýyma quqyǵym bar.
- Óz pikirimdi bildirýge quqyǵym bar.
- Aqysyz emdelýime quqym bar.
- Balalar, Ata Zań osyndaı quqyqtaryńdy berýmen qatar mindetter de artady.
Ózderińniń qandaı mindetteriń baryn aıtyp ber.
3. Aıt. «Bolady - bolmaıdy»
- Balalar, kúndelikti ómirde mynadaı jaǵdaıattar kezdesedi.
1. Sen búgin qalamyńdy úıde qaldyryp umytyp kettiń. Dosyńnyń sómkesinen qalamyn aldyń da, jaza bastadyń.
- Balalar, osy árekette adam quqyǵy buzyldy ma, joq pa?
Óz pikirińdi bildir
2. Sen týystaryńmen telefon arqyly sóılespek boldyń. Trýbkany kóterseń, bóten adamdardyń sóılesip jatqany qosylyp ketti. Sen olardyń sózin tyńdadyń. Olaı isteýge bola ma?

İİİ. Oı tolǵanys. Bil. «Ózińdi tany»
Slaıdta tómendegi sózder jazylyp turady. Oqýshylar nómirmen berilgen sózderdi oqıdy.
- Osy qasıetterdiń qaısysy júzege asyp júr.
1. Jaqsy oqıdy.
2. Adamdy aldaıdy.
3. Demalady.
4. Mazaqtaıdy.
5. Urlaıdy.
6. Óz pikirin aıtady.
7. Úlkendi syılaıdy
8. Ruqsatsyz bireýdiń úıine kiredi.
9. Meıirimdi.
10. Bireýlerdi zábirlep, qınaıdy.
11. Mádenı isterge aralasa alady.
12. Eńbek etedi.
13. Emdele alady.
14. Oılaıdy.
15. Dostasady.
16. Tabıǵatty qorǵaıdy.
17. Basqanyń hatyn oqyp alady.

1 - kórinis.
Eki oqýshy aýlada oıynshyqpen oınaǵan sábıdi jolyqtyrady.
– Oıynshyǵyń ádemi eken. Kim alyp berdi?
– Ata - anam.
– Ata - anań taǵy ne úıretti?
– Úlkenderdi syılaýdy.
– Biz úlkenbiz be?
– Iá
– Onda aıaq - qolyńdy kóterip tur.
Sábı aıaq - qolyn kóterip turady. Oqýshylar mazaq etip ketip qalady.

Suraq: - Qandaı jaǵymsyz ádet kórdińder? Bul zań buzýshylyqqa jata ma?
Sábıdi ata - anasy durys tárbıelegen be? (Oqýshy pikirlerin tyńdaý)

Túıindi oı: Sábıdi ata - anasy durys tárbıelepti. Biraq Ata - Zańymyzdaǵy 17 - bapty úıretpepti. Ata Zańymyzdyń 27 - babynda «balalardy tárbıeleý ata - ananyń basty mindeti» delingen. Ata - zańymyzdyń 17 - babynda «eshkimdi azaptaýǵa, oǵan zorlyq - zombylyq jasaýǵa, adamdyq qadir - qasıetin qorlaıtyndaı jábir kórsetýge bolmaıdy» delingen.

2 - kórinis.
Úsh oqýshy kele jatyr. Olardyń bireýi:
– Búgin demalys qoı, qalaı demalamyz? İshim pysty. Birdeńe jasaıyqshy.
Ekinshisi:
– Bıik janatyn alaý jasaıyqshy.
Úshinshisi:
– Taptym, taptym báriń aýyzdaryńdy ashyp qalasyńdar, myna úlken aǵashqa ot tıgizsek úlken alaý bolady. Ot tıgizeıik, - dep júgire jóneledi. Qalǵan eki oqýshy «mundaı qyzyǵyńnyń keregi joq» dep ony áreń toqtatady.
Suraq:
– Qandaı jaǵymsyz ádetter baıqadyńdar?
– Jaqsy qasıetter baıqaldy ma?
– Bul zań buzýshylyqqa jatady ma?
(Oqýshy pikirlerin tyńdaý)

Túıindi oı: Balalar 24 - bapty bilgenimen, 38 - bapty bilmeıdi eken.
1. Ata Zańnyń 24 - babynda «Árkimniń tynyǵý quqyǵy bar» delingen.
2. Ata Zańnyń 38 - babynda «Qazaqstan Respýblıkasynyń azamattary tabıǵatty saqtaýǵa mindetti» delingen.
3 - kórinis: Balasy kórshisiniń taýyq qorasynan jumyrtqa urlap ákeldi de, sheshesine jumyrtqa qýyryp berýin surady. Anasy jumyrtqany qýyryp beredi...
Suraq. Jigittiń ury bolyp ósýine kináli kim? Ózi me, álde anasy ma? (Oqýshy pikirin tyńdaý.)

Ne baıqadym, ne bildim? (Oqýshylardyń suraqtarǵa jaýap berýi.)
1. Adam dúnıege kelgende alǵashqy qujaty qalaı atalady? (Týý týraly kýáligi)
2. Kúndelikti alǵan baǵańdy muǵalim qaıda qoıady? (Kúndelikke)
3. Bir nárseni habarlaý úshin nemese ony áıgileý úshin ne jazylady? (Habarlandyrý)
4. Mektepke 1 - synypqa qaı jastan keledi? (6 jastan)

5. Bas áripten bastalyp jazylatyn sózder: (Kisiniń aty - jóni, jer - sý ataýlary, gazet - jýrnal attary)
1 - oqýshy:
Qulaq túrem elimniń tynysyna,
Maqtanam, qýanamyn tabysyna
Elbasy men halqymyz aman bolsa,
Aınalar Orta Azıa «barysyna»
2 - oqýshy
Biz namysker qazaq eli ulanymyz,
Qorǵaıtyn jerdi ottan qyranymyz
«Talap, Eńbek, Tereń oı, Qanaǵat, Raqym»dep
Uly Abaı aıtqan ulanymyz.

Muǵalimniń qorytyndy sózi.
Kún nuryndaı sáýle shashqan óńirge,
Baq dáýletin aıamaǵan jerime.
Egemendik eldigime jarasqan,
Ata Zańym qut syıladyń elime!
– Mine, osy jyr joldarynan Ata zańymyz memleketimizdiń gúldenip damýyna, halqymyzdyń baqytty ómir súrýine yqpaly men kómeginiń zor ekenin baıqaımyz.
Muǵalimi: Týrejanova Aıdarkýl