مەكتەپ بىتىرۋشىلەر مەن ءبىلىم كۇنىنە ارنالعان تىلەكتەر

ءبىز بۇگىن مەكتەپ ءبىتىرۋشى جاس تۇلەكتەر مەن ولاردىڭ اتا — انالارى جانە
ۇستازدارىنا ارناپ مەكتەپ ءبىتىرۋ كەشىندە ايتىلاتىن ەش جەردە جاريالانباعان
اۆتورلىق ءتاتتى تىلەكتەردى ۇسىنباقپىز.

وسى تىلەكتەردىڭ جۇرەكتەرىڭىزگە جەتىپ، كوڭىلدەرىڭىزگە قونعانىن جانە
ورىندالۋىن شىن جۇرەكتەن تىلەيمىز. تىلەكتەر تىزبەگىن ەڭ الدىمەن اتا —
انالاردىڭ مەكتەپ ءبىتىرۋ كەشىندە ءوز بالالارى مەن بالاسىنىڭ سىنىپتاستارىنا
جانە ولاردىڭ ۇستازدارى مەن اتا — انالارىنا ارناپ ايتاتىن لەبىزدەرىمەن
باستاعاندى ءجون كورىپ وتىرمىز.

قۇرمەتتى جاس تۇلەكتەر، اينالايىن التىندارىم! سەندەر، مىنە، ومىرلەرىڭدە
ءالى دە كوپ كەزدەسەتىن قيىن — قيىن بەلەستەردىڭ بىرىنەن اتتاپ، بولاشاققا
ءساتتى قادام باستىڭدار. وسى قادامدارىڭا قۇت قونسىن! سەندەر تايعا ءمىنىپ
شاپقاندا ۇيدە وتىرىپ تاقىمدارىڭدى قىسىپ، ۋايىمعا سالىنعان اتا —
انالارىڭنىڭ ءۇمىتىن ءالى دە اقتاپ، ولاردىڭ الدىنداعى ومىرلىك پارىزدارىڭدى
ۇمىتپاڭدار، بالالارىم!

جانىم، بالاپانىم، مەن سەنىڭ ءار قۋانىشىڭ ءۇشىن ءبىر جاساپ قالامىن. مەن
سەنىڭ ءار جەڭىسىڭ ءۇشىن بالاشا قۋانامىن. ويتكەنى، سەنىڭ ءبىزدىڭ ءۇمىتىمىزدى
قاشاندا اقتاۋعا كۇش — جىگەرىڭ مەن ءبىلىمى — تانىمىڭ جەتەرىنە سەنەمىن!

بولاشاقتارىڭ جارقىن بولسىن!

قاراقتارىم، سەندەر ءبىز ءۇشىن ءالى دە بالاسىڭدار! مىنە، بۇگىن قاناتتارىڭ
قاتايىپ، سالماقتى ومىرگە اياق باسىپ باراسىڭدار! مىنا ءومىر سەندەردىڭ اكە
— شەشەلەرىڭدەي ماڭدايلارىڭنان سيپامايدى. سوندىقتان، ءار قادامدارىڭدى
اقىلمەن اڭداپ باسىڭدار!

مىنە، سەندەر ون ءبىر جىلدىق مەكتەپ ومىرىمەن قوشتاسىپ جاتىرسىڭدار. سەندەر
كەتەسىڭدەر، ۇستازدارىڭ وسىندا قالادى. ولارعا ءومىر بويى قارىزدار
ەكەندەرىڭدى ۇمىتپاڭدار. ولاردىڭ سەندەردى ادام ەتۋ جولىندا بىزدەن كەم تەر
توكپەگەنى بىزگە ايان. جۇرگەن جەرلەرىڭدە ۇستازدارىڭنىڭ مەرەيىن اسقاقتاتىپ
جۇرىڭدەر. ۇستازدار ءۇشىن مەرەيدى اسقاقتاتۋ – ولار بەرگەن ءبىلىمنىڭ جەمىسى
مەن جەڭىسىن كورسەتۋ.

مەنىڭ بالاما ءارىپ تانىتىپ، ساۋاتىن اشىپ، قاناتىن قاتايتقان قۇرمەتتى
ۇستازدار! سىزدەردىڭ الدارىڭىزدا ابىرويلارىڭىز بەن ەڭبەكتەرىڭىزدى شىن
سەزىنىپ، ءيىلىپ راقمەت ايتامىن. ويتكەنى، سىزدەر توككەن تەر وسىعان لايىق!

بالا — شاعالارىڭىزدىڭ قىزىعىن كورىپ، باقىتتى عۇمىر كەشىڭىزدەر!

قۇرمەتتى جاس تۇلەكتەر، بۇل ومىردە سانالى عۇمىر ءسۇرىپ، ادامدارمەن تەڭ
دارەجەدە بولۋ ءۇشىن ءبىلىمنىڭ ماڭىزى وتە كوپ. سەندەر ون ءبىر جىل بويى ءجۇز
پايىزدىق ءبىلىمنىڭ تەك ءبىر پايىزىن عانا مەڭگەردىڭدەر، قالعان توقسان توعىز
پايىزىن سەندەرگە جوعارعى وقۋ ورىندارى مەن ءومىردىڭ ءوزى ۇيرەتەدى. تالپىنا
بەرىڭدەر، قاناتتارىڭ تالماي قالىقتاي بەرىڭدەر!

قۇرمەتتى بالالارىم، ءبىتىرۋشى تۇلەكتەر، مەكتەپپەن قوشتاسۋ ساتىنە دە
جەتتىڭدەر، مىنە. ەرتەڭ ءبىر — ءبىرىڭدى ساعىناسىڭدار. ءارقايسىڭ ءار تاراپقا
تاراپ، ەلدىڭ قامىن ويلايتىن ەر ازامات، ءوز ءىسىن ۇزدىك مەڭگەرگەن مامان
بولارسىڭدار دەپ سەنەمىن. ون جىلدان سوڭ باس قوسقاندا ءبارىڭ ءبىر — ءبىر
سالانىڭ تىزگىنىن ۇستاعان ناعىز مامان يەسى بولىپ ورالاتىندارىڭا سەنەمىن.

قۇرمەتتى تۇلەكتەر، ەڭ باستىسى – دەنساۋلىق! سوندىقتان، ءسوزىمدى وسىدان
باستايىن دا، سەندەرگە ءبىلىم مەن باقىتقا جەتۋ ءۇشىن زور دەنساۋلىق تىلەيىن.

ءبىر — بىرىڭە دەگەن باۋىرمالدىق مەن دوستىققا شاڭ باستىرىپ، سىزات
ءتۇسىرىپ الماڭدار! قايدا جۇرسەڭدەر دە، امان بولىڭدار! ەلگە تيەر پايداسى
كوپ مامان بولىڭدار!

جانىم، بالام! سەنىڭ بىلىمگە قۇشتارلىعىڭا مەن قاشاندا ءتانتىمىن. ومىرگە
عاشىق وسىنداي قالپىڭنان تايما! كۇنى — ءتۇنى العان ءبىلىمىڭنىڭ بولاشاقتا
اپەرەر اسۋى كوپ بولسىن!

اينالايىن، ەركەتايىم! سەنىڭ بالالىق شاعىڭ وسى مەكتەپتىڭ قابىرعاسى مەن
ءوزىڭ وسكەن ۇيدە قالىپ قويادى ەندى... ەندى سەن بوي جەتىپ، بولاشاق اتتى
پويىزعا ءمىنىپ، جۇرگەلى تۇرسىڭ. ساعان دەنساۋلىق پەن ساتتىلىك جانە باقىت
پەن بايلىق تىلەۋدەن جالىقپاي، اناڭ ەكەۋمىز ۇيدە تىلەۋىڭدى تىلەپ
وتىرامىز.

تۇلەكتەر، جاس تالاپكەرلەر! سەندەر ءۇشىن ناعىز ءومىردىڭ باستاۋى – وسى.

ەندى سەندەر قاباعى قاتۋلى ادامدارى قاربالاسقان ءومىردىڭ تۇرمىستىق
تاۋقىمەتىنەن شىعا المايتىن ۇلكەن — ۇلكەن قالالارعا ءبىلىم الۋعا
اتتانباقسىڭدار. قايدا بولساڭدار دا، امان جۇرىڭدەر. ەلىمىزدىڭ وركەندەۋىنە
كۇش سالاتىن ماماندىقتاردىڭ ءبىرىن دوڭگەلەتىپ اكەتەدى دەگەن سەنىمدەمىن.

اۋىلعا دا جاقسى ماماندار كەرەك ەكەندىگىن ەستە ساقتاپ، ديپلوممەن تۋعان
جەرلەرىڭە دە ورالۋ ويدا بولسىن، قاراقتارىم!

بالاڭىزدىڭ مەكتەپ بىتىرۋىمەن قۇتتىقتايمىز!

اسا قۇرمەتتى وسىناۋ التىن ورداعا «تارىداي بولىپ كىرىپ، تاۋداي بولىپ
شىققان» مەنىڭ سىنىپتاس دوستارىم! بۇگىنگى كۇنى ءبارىمىز ءوزىمىزدىڭ التىن
ۇيامىزدان «ءومىر» اتتى ۇلى تاۋدى بەتكە الىپ ۇشىپ بارا جاتقانىمىزدا ايتار
تىلەگىم: قايدا جۇرسەك تە، قايدا بولساق تا، قانشا جاسقا كەلسەك تە ءبىر —
ءبىرىمىزدى ۇمىتپايىق.

ءارقاشان جادىمىزدا ەسىمىمىزدى جاڭعىرتىپ جۇرەيىك. ويتكەنى تۋعان جەرىمىز
ورتاق، ءتىلىمىز، ءدىنىمىز ورتاق، وقىعان مەكتەبىمىز، ۇستازدارىمىز ورتاق،
زامانىمىز، قوعامىمىز ورتاق، ەڭ باستىسى التىن شاڭىراقتى، كۇمىس ۋىقتى،
كيەلى كەرەگەلى ەلىمىز، ارمان — تىلەگىمىز ورتاق. سوندىقتان ءقادىرلى
دوستار، قورقىت بابامىز ايتقانداي «قارا ورمانىمىز شايقالماسىن، قارا
تاۋىمىز بۇگىلمەسىن، اققان داريامىز سارقىلماسىن، تۇركى دۇنيەسى تۇگەل
بولسىن!» بۇل تىلەكتەر، سىنىپتاس دوستار، ءبىزدىڭ بويتۇمارىمىز بولسىن!

قۇرمەتتى بۇگىنگى سالتاناتتى كەشكە جينالعان ءقادىرلى ۇستازدارىمىز، اتا —
انالارىمىز جانە مەنىڭ قيماس دوستارىم! مىنە، ءبىز بۇگىن «تارىداي بولىپ
كىرىپ، تاۋداي بولىپ شىققان» ىستىق ۇيامىز – مەكتەبىمىزبەن، ءبىزدى 11 جىل
بويى وقىتىپ، تاربيەلەگەن اياۋلى ۇستازدارىمىزبەن قوشتاسقالى تۇرمىز. ەندى
ءبىزدىڭ قۇلاعىمىز كۇمبىرلەگەن كۇمىس قوڭىراۋدىڭ ءۇنىن ەستىمەيدى.

ەندى ءبىز ەڭ قىزىقتى ساتتەرىمىزدى وتكىزگەن مىناۋ مەكتەپتىڭ اۋلاسىندا
جارىسا جۇگىرىپ، سىنىبىمىزداعى پارتالارعا تالاسا — تارماسا وتىرمايمىز.

ەندى ءبىز 11 جىل بويى ءبىزدىڭ «ەركەلىگىمىز بەن تەنتەكتىگىمىزدى» كوتەرگەن
اپايلارىمىز بەن اعايلارىمىزدىڭ ساباقتارىڭدا وتىرمايمىز، تاقتاعا شىعىپ
ساباق ايتپايمىز!

ءبىز وسى مەكتەپتە ۇستازدارىمىزدىڭ ءتالىم — تاربيەسىن الا ءجۇرىپ
بولاشاعىمىزدىڭ ىرگەتاس — فۋندامەنتىن قالادىق. ءدال ءقازىر سول كۇندەرگە
دەگەن قيماستىق سەزىمدى باستان وتكەرىپ مۇڭايساق تا، ەرتەڭگى بولاشاعىمىزدى
ويلاپ جۇرەگىمىز ءلۇپىل قاعىپ تۇر!

مەنىڭ سىنىپتاس دوستارىم! سەندەرگە الداعى ۋاقىتتا تەك قانا ساتتىلىك جار
بولسىن، جەتىستىكتەرگە قول جەتكىزىڭدەر، ومىردەن ءوز ورىندارىڭدى اداسپاي
تابىڭدار! ءبارىڭ دە اق جولمەن اپپاق كوگەرشىن — ارماڭدارىڭا سۇرىنبەي
جەتىڭدەر! ويتكەنى، ءبىز مەكتەپپەن قوشتاسىپ، ۇلكەن ومىرگە قانات قاعىپ
بارامىز. ەندى ءبىزدى الدا ءومىردىڭ سان تاراۋ جولدارى كۇتىپ تۇر. سول جولدا
ءار ءبىرىمىز باقىت ءۇشىن، ومىردەن لايىقتى ورىن الۋ ءۇشىن كۇرەسەيىك، دوستار!

ال التىن ۇيا – مەكتەبىمىز بەن اياۋلى ۇستازدارىمىزدى جۇرەگىمىزدە ماڭگى
ۇمىتپاي ساقتايمىز. اياۋلى ۇستازدار! سىزدەر جاساعان ەڭبەكتەرىڭىز ءۇشىن
شەكسىز العىس بىلدىرەمىز!

التىن ۇيا مەكتەپتىڭ تۇلپارلارى، ءدۇلد ۇلى –
جۇلدىزدارى جۇرەكتىڭ جەتىلدىندەر بۇل كۇنى!

ءبىرىڭ – حاكىم، ال ءبىرىڭ بولىڭىزدار عۇلاما،
مىڭ داۋىسپەن سايراعان و، ءومىردىڭ بۇلب ۇلى!

اتا — ءداستۇر بويىنشا ساتپايدى ۇلان سۇيەگىن،
كۇي توگەسىڭ شاناقتان – جاقسى بولدى تيەگىڭ!

قۇتتى بولسىن تويلارىڭ شاكىرتتەرىم، كوگەرشىن،
بارلىعىڭدى كەۋدەمە باسىپ، قىسىپ سۇيەمىن.

سەندەرسىڭدەر تىرلىكتىڭ جەلكىلدەگەن قۇراعى،
ۇستازدارىڭ ارمانىن وزدەرىڭە ۇلادى!

تويعا ۇلاسسىن تويلارىڭ – تۋ قاداڭدار بيىككە،
جاقسى تۋعان جىگىتكە جات جۇرت كەلىپ تۇرادى.

ورالىڭدار وتىزدىڭ ورتاسىنا تولعاندا،
شۇكىرشىلىك ەتەمىز جەتسەڭدەر شىڭ — ارمانعا.

ەل — جۇرتىڭ بار تىلەكتەس، جنىلما ءومىر — ەگەستە،
ال سوڭدارىڭ اينالسىن قاراقۇرىم ورمانعا!

بالاڭىزدىڭ ديپلومى قۇتتى بولسىن!

ۇلكەن ومىرگە قانات قاعىپ باراسىڭ. قاناتىڭ تالماسىن، بيىكتەرگە شىرقا!

جوعارى وقۋ ورنىنا وقۋعا ءتۇسىپ، ستۋدەنتتىك ءداۋىردى قىزىقتى وتكىزىپ،
ابىرويمەن بىتىرۋىڭە تىلەكتەسپىن. تاڭداعان ماماندىعىڭنىڭ مىقتى مامانى،
كاسىپقويى بول! مەكتەپ ءومىرى ارتتا قالدى، الدىڭدا كۇتىپ تۇرعان جاڭا
ءومىردىڭ باسپالداقتارىنان سۇرىنبەي وتە بەرۋىڭدى تىلەيمىز!

مەكتەپ بىتىرۋشىلەرگە ارنالعان تىلەك
مەكتەپتى، بالام، ءبىتىردىڭ،
سامعاتتى قيال عارىشقا.

قاناتى ارمان قۇسىنىڭ
اپارسىن سەنى الىسقا.

كەشەگى شاكىرت بالا ەدىڭ،
قارايسىڭ بۇگىن جىگىت بوپ.

شارلاعان ارمان الەمىن،
شىڭدارعا شىڭنان بيىكتەپ.

وتانىڭ سيپاپ ماڭدايدان،
اياماس سەنەن جاقسىسىن.

ىزدە، تاپ، قيىر — شالعايدان
ەلىڭە قاجەت ب ا ق قۇسىن.

اسقارعا قولىڭ سوز بالام،
بايگەگە ءتۇس تە، ب ا ق سىنا.

نامىسقا تيەر وزباعان،
قول سوعار جۇرتىڭ جاقسىعا.

عىلىم قۋ، ەلگە ەت ەڭبەك،
مامان بول قاجەت بىلىكتى
ورەسى بيىك ەكەن دەپ،
ماقتايدى جامپوز جىگىتتى.

ءبىلىمدى باسقا جاستادىڭ،
عىلىمدى ىزدەپ ءۇڭىلىپ.

ومىرگە ساپار باستادىڭ،
الدىڭدا ك ۇلىپ تۇر ءۇمىت.

ومىردەن ەندى ءدارىس ال،
ءبىلىم مەن ويدى قوسا ۇشتاپ،
سامعاۋعا، بالام، بارىن سال،
قاناتىڭ بولسىن اتتەستات.

ءتۇسىنىپ ءجون مەن جوبانى،
ەر جەتكەن جانسىڭ جەتەلى.

شىڭداردا عانا بولادى،
قىراننىڭ سالعان مەكەنى.

ات جالىن تارتىپ ءمىن، ءىنىم،
ءبىلىمنىڭ ۇستاپ قۇرىعىن.

جارقىراي تۇسەر ۇلى كۇن،
سىيلاساڭ جۇرەك جىلۋىن.

«ون ۇشتە وتاۋ يەسى»،
جيىرما بەس دەسە ءجون بولەك.

ۇلەسىڭدى قوس تيەسى،
ەرىنبە، ىزدەن، ەڭبەك ەت.

كومپيۋتەر سەنىڭ عاسىرىڭ،
عىلىمنىڭ جەتكىن شەگىنە.

اقتارعىن ويدىڭ اسىلىن،
ۇمتىلىپ عارىش كوگىنە.

نامىسىن كەككە قايراعان،
نايزاعاي سىندى بول باتىر.

كوز تىككەن ساعان اينالاڭ،
الدىندا اسۋ جول جاتىر.

قاناتىن قاعار جىل جىلدام،
كەلەدى ەرتەڭ جاڭا ۇرپاق.

اۋماي ءبىر تۇرساڭ جۇلدىزدان،
قارايدى جۇرتىڭ تاڭىرقاپ.

ءبىز جۇرەيىك سەندەرمەن باقىتتى بوپ
ون ءبىر جىل وقىپ، مىنە، اياقتادىڭ.

كەتەسىڭ قانات قاعىپ، تاراپ ءبارىڭ،
تەك ايتەۋىر جولدارىڭ اشىق بولسىن،
كەلمەيدى بۇل ومىردەن قاراپ قالعىڭ.

بىرەۋى جۋرناليست بولام دەيدى،
بىرەۋى ءارتىس بوپ ءان سالام دەيدى.

بىرەۋى – اقىن، بىرەۋى – دارىگەر بولىپ،
اۋرۋدىڭ نە ءتۇرىن جازام دەيدى.

پوليسەي بوپ، قاتەرگە بارام دەيدى.

ۇستاز بولىپ، مەكتەپكە قالام دەيدى،
بىرەۋلەرى قاقا جارىپ قارا قىلدى.

بىرەۋى سوت – سۋديا بولام دەيدى.

سپورتشى بولۋدى كەرەمەت دەپ،
كەيبىرى عارىشكەردى ونەگە ەتپەك،
ساۋلەتشى بولىپ بىرەۋى قۇرىلىستا،
ەندى ءبىرى ەلشى بولىپ شەتەل كەتپەك.

ءبارىڭ دە ارمانمەنەن قاناتتاندىڭ،
ۇلكەن ءومىر جولىنا ال اتتاعىن.

ءبىز جۇرەيىك سەندەرمەن باقىتتى بوپ،
كوزبەن كورىپ، بايشەشەك گۇل اتقانىن.

قۇرمەتتى مەكتەپ ءبىتىرۋشى تۇلەك!

ءسىز ءۇشىن وسىناۋ كۇن ايشىقتى دا، ايدىندى، مەرەكەلى دە مەرەيلى، تابىستى دا
تولعامدى كۇنگە اينالىپ وتىر. ويتكەنى ءسىز ءدال وسىناۋ كۇنى ءوزىڭىزدىڭ قيماس
ءبىر مەكەنىڭىزگە اينالعان، بالداۋرەن شاقتىڭ بالاۋسا قىزىعىن وتكىزگەن،
ءسويتىپ بويىڭىزعا بىلىكتى ءبىلىم مەن ءتالىمدى تاربيە جيناعان مەكتەپ
اناڭىزدان تۇلەپ ۇشقالى تۇرسىز. وسىدان ساناۋلى عانا جىلدار بۇرىن ءسىز وسى
مەكتەپتىڭ قاستەرلى تابالدىرىعىن جاسقانا دا جۇرەكسىنە اتتاپ، وزىڭىزگە
ءتالىم بەرەر العاشقى ۇستازىڭىزبەن جۇزدەسىپ، ءبىلىم نارىنە باس قويعان
ەدىڭىز. سودان بەرى اعىن سۋداي جىلجىعان جىلدار لەگى ءسىزدىڭ ءورىسىڭىزدى
كەڭەيتتى، بويىڭىزدى قاتايتتى، توپشىڭىزدى بەكىتتى. ءسىز ءۇشىن وسىناۋ قيماس
ۇياڭىزدا جۇرگەن ساتتە، الدىڭىزدان كۇن سايىن جاڭالىقتار لەگى اشىلدى،
تانىمىڭىز تەرەڭدەي ءتۇستى. ءسىز مەكتەپ پارتاسىندا وتىرىپ، ۇستاز اۋزىنان
ەستىلگەن ءار ءبىر ءبىلىم جاڭالىعىنىڭ قابىلداۋشىسى بولىپ قانا قويعانىڭىز
جوق، ءسىز وسىناۋ ساتتەردە ءوزىڭىز دە مەكتەبىمىزدە وتكىزىلگەن قانشاما
يگىلىكتى شارالاردىڭ بەلورتاسىندا ءجۇردىڭىز، جارقىن دا ماعىنالى ىستەردىڭ
جاناشىر كۋاگەرى اتاندىڭىز. ءسىزدىڭ بويىڭىزعا بىلىكتى ءبىلىم مەن ءتالىمدى
تاربيە ەگۋدى ءوزىمنىڭ جاۋاپكەرشىلىك مىندەتىم دەپ قانا ۇعاتىن بارلىق
ۇستازدارىڭىز ەندى ءسىزدىڭ ءدال وسىنداي بيىكتەن كورىنە بىلگەنىڭىزگە
قۋانادى. ءسىز الداعى ومىرىڭىزدە اباي اتامىز ايتقانداي: «بەس نارسەگە اسىق،
بەس نارسەدەن قاشىق» بولا بىلسەڭىز عانا ءوزىڭىزدىڭ ۇستازدارىڭىز توگىلگەن
تەر وتەلدى دەپ بىلەدى. ءسىز ءۇشىن بۇگىنگى قاعىلار سوڭعى قوڭىراۋ ءۇنى
بالداۋرەن بالالىعىڭىزدىڭ ارتتا قالىپ، جاۋاپكەرشىلىگى مول ازاماتتىق
بيىككە كوتەرىلگەندىگىڭىزدىڭ ەسكەرتپەسى سياقتى. سىزگە ەندىگى ساتتە ءوز
ءومىر ايدىنىڭىزدى قالاپ الۋعا تۋرا كەلەدى. وسىناۋ كەزەڭدەردە ءومىر
كەمەڭىزدىڭ جەلكەنىن ەش ۋاقىتتا تۇسىرمەۋ ءۇشىن، ءسىزدىڭ بويىڭىزدان ءبىلىم
مەن بىلىك، باتىلدىق تابىلاتىنىنا سەنگىمىز كەلەدى. ءسىز ەلباسى ارمانداعان
ماڭگىلىك بولاشاقتىڭ بۇگىنگى جاس قۇرىلىسشىسى ەكەندىگىڭىزدى ەش ۋاقىتتا
ەستەن شىعارماڭىز. مەكتەپ ءبىتىرۋشى تۇلەكتىڭ قۇتتىقتاۋ ءسوزى قىمباتتى
ۇستازدار! قۇرمەتتى مەكتەپ تۇلەكتەرى! ءقادىرلى اتا — انالار جانە كەش
قوناقتارى! ءار كەزدە دە مەكتەپ ومىرىندە ۇستاز ءۇشىن دە، شاكىرت ءۇشىن دە اسا
ءقادىرلى كورىنەر، سونىڭ ىشىندە ۇستازدىڭ دا، شاكىرتتىڭ دە كوڭىلىن بوساتىپ،
جان — جۇيەسىن يەر، ءسويتىپ ءبىر بەيمازا تولقىنىسقا ءتۇسىرىپ، كوڭىل قۇسىن
اسپانعا شارىقتاتار سوڭعى قوڭىراۋ سالتاناتىنىڭ ورنى بولەك ەكەندىگى
داۋسىز. سوڭعى قوڭىراۋ. قاراپايىم عانا ەستiلەر وسى ءبىر سوزدە، شىندىعىنا
كەلگەندە، قانشاما تىلسىم دا ماعىنالى قۇدىرەت جاتقاندىعىن اڭداعان جان
عانا تۇسىنەر. ويتكەنى بۇل بالا شاكىرتتىڭ دانا ۇياسىنان جەز قوڭىراۋ ءۇنىن
سوڭعى رەت ەستۋ ءساتى عوي. سولاي دەسەك، سوڭعى قوڭىراۋ بالاڭ تۇلەكتىڭ قيماس
كوز جاسى، سولاي دەسەك، سوڭعى قوڭىراۋ تالاپتى شاكىرتتىڭ بولاشاققا دەگەن
ىڭكار ارمانى، نە دەگەنمەن دە ول شاكىرتتىك ومىرمەن «قوش — قوش»

ايت قىزىپ، ازامات دەپ اتالاتىن ايبىندى ارعىماقتى ەرتتەپ مىنگىزۋ. قىمباتتى
مەنىڭ مەكتەپ ءبىتىرۋشى قۇربى — قۇرداستارىم! مىنەكي، ءبىز ءۇشىن قوڭىراۋدىڭ
سيقىرلى دا سازدى اۋەنى سوڭعى رەت ءان سالماق. جانە ول ءان بارلىعىمىزدى
سونىمەن بىرگە ءومىر دەپ اتالاتىن الىپ كۇرە جولدىڭ توسكەيىنە شىعارىپ
سالار. ءبىزدى قانشاما جىل وقىتىپ، ءبىلىم بەرگەن، تاربيە بەرگەن اياۋلى انا
مەكتەبىمىز بەن قۇرمەتتى ۇستازدارىمىز ىشتەي تىلەكتەستىك ءبىلدىرىپ، ءسات —
ساپار تىلەپ قالار. بالكىم، ۇستاز كوڭiل تولقىر جانە سول تولقىنىستى ساتتە
دە ءبىزدىڭ بارلىعىمىزدىڭ الداعى ءومiر جولىمىزعا جاقسىلىق، تەك قانا
جاقسىلىقتار تىلەر. قۇرمەتتى مەنىڭ قۇربىلارىم، دوستارىم، مىنەكي، سىزدەرگە
دەگەن وسىنشا قۇرمەتتىڭ جانىندا جاۋاپكەرشىلىك دەپ اتالاتىن جۇگى قوماقتى
نارسە دە قاتار جۇرگەنىن بايقاپ وتىرعان شىعارسىزدار. قىمباتتى دوستار! مەن
سىزدەردى بۇگىنگى مەرەكەلەرىڭىزبەن شىن جۇرەكتەن قۇتتىقتاي وتىرىپ، ءومىر
دەپ اتالاتىن الىپ كۇرە جولدا سۇرىنبەۋلەرىڭىزگە، تەك قانا
سۇرىنبەۋلەرىڭىزگە تىلەكتەسپىن. تاعدىرلارىڭىز جۇلدىزدى بولىپ، ارمان دەگەن
اسقار تاۋدىڭ بيىگىنەن كورىنىڭىزدەر! ءقادىرلى ۇستازدارىمىز! ال ءبىز سىزدەر
بەرگەن تاربيە مەن ءتالىمدى ءار ۋاقىتتا ۇمىتپايمىز. سىزدەردەن ءبولىنىپ ىستىق
ۇيادان ۇشقان ساتتە دە، اياۋلى مەكتەبىمىزدىڭ اتىنا كىر كەلتىرىپ، داق
تۇسىرمەۋگە، ءار كەزدە دە اقىلشى سەرىگىمىز ار دەپ اتالاتىن ايبىندى قاسيەت
بولارىنا سىزدەردى سەندىرگىمىز كەلەدى. ءبىز سىزدەرگە ءاردايىم دا مىقتى
دەنساۋلىق، وتباسىلارىڭىزعا باقىت، ەڭبەكتەرىڭىزگە جەمىس تىلەيمىز. بارلىق
ۋاقىتتا دا شاكىرتتەرىڭىزدىڭ ىستىق ىقىلاسىنا بولەنىپ جۇرە بەرىڭىزدەر!

مەرەكە مەرەكەگە ۇلاسسىن! قۇرمەتتى جاس تۇلەك! ءسىزدىڭ بۇگىنگى ءومىر
ايدىنىنا اتتانعالى تۇرعان مەرەكەلى كۇنىڭىز قۇتتى بولسىن! سىزگە تەك قانا
مىقتى دەنساۋلىق، ءساتتى ساپار، مەرەيلى ماقسات تىلەيمىز. اسپانىڭىز اشىق
بولسىن! مەكتەپ اكىمشىلىگى جانە مەكتەپ ۇجىمى
تۇلەككە اتا — اناسىنىڭ العىس تىلەگى.

قۇرمەتتى ۇستازدار، تۇلەكتەر جانە اتا — انالار، ەڭ الدىمەن بارلىعىڭىزدى
دا بۇگىنگى مەرەكەلى كۇنمەن قۇتتىقتاپ قويۋعا رۇقسات ەتىڭىزدەر! مىنەكي،
اراعا جىلدار لەگىن سالىپ، كەشە عانا ءبۇلدىرشىن بولىپ مەكتەپ تابالدىرىعىن
اتتاعان ءبىزدىڭ ۇل — قىزدارىمىزدى جۇيرىك ۋاقىت تۇلەك ەتىپ ۇياسىنان
ۇشىرعالى وتىر. مەكتەپ قاشاندا جاقسىلىق پەن ىزگىلىكتىڭ، پاراساتتىلىق پەن
رۋحانياتقا تولى ويدىڭ، تانىم مەن تاربيەلى ىستەردىڭ ورداسى بولعان. ءبىزدىڭ
پەرزەنتتەرىمىز دە وسىندا وتكىزگەن وقۋشىلىق ومىرلەرىندە وسىنداي ۇلاعاتتى
ىستەردىڭ ۇشقىنىن بويىنا ءسىڭىردى، تالىمىمەن جۇرەگىن سۋاردى، بايىپتى
باعدارىن باعىت ەتىپ ۇستاندى، ءبىلىمي كوكجيەگىن بويىنا دارىتتى. ءبىز ءار
ءسات، ءار جىلدار سايىن ولاردىڭ بويىنداعى وسىناۋ ومىرشەڭ وزگەرىستەردى
بايقاپ، ولارمەن بىرگە قۋاندىق، بىرگە ماقتاندىق. ەندى ولاردى وزدەرىنىڭ
اسىل ۇياسى — مەكتەبى تۇلەك ەتىپ ۇشىرعالى وتىرعان كۇننىڭ دە كۋاسى
بولدىق، بويىمىزدى تاعى دا اتا — انا رەتىندە ماقتانىش سەزىمى كەرنەپ
وتىر. بۇل ءۇشىن مەكتەپ اناعا مىڭ العىس! قۇرمەتتى ۇستازدار! ءبىزدىڭ
بويىمىزداعى ءوز پەرزەنتتەرىمىزدىڭ قۋانىشىنان تۋىنداپ وتىرعان سەزىمدى
سىزدەر جاقسى تۇسىنەسىزدەر. ويتكەنى سىزدەر وسىدان ساناۋلى جىلدار بۇرىن
عانا مەكتەپ ەسىگىن اشقان ءبىزدىڭ كوزىمىزدىڭ اعى مەن قاراسىنداي
پەرزەنتتەرىمىزدىڭ جاقىن ادامىنا اينالا ءبىلىپ ەدىڭىزدەر. ءبىز سىزدەرگە
سەنىم ارتتىق. سىزدەر ءار كەزدە دە ءبىزدىڭ سۇيىكتى ۇل — قىزدارىمىزدىڭ
بولاشاعىنا بىزبەن قاتار الاڭدادىڭىزدار، سول بولاشاقتىڭ باستى قارۋى بولىپ
تابىلاتىن ءبىلىم اتتى اسىل كۇشتى ولاردىڭ بويىنا ءبۇلدىرشىن كەزىنەن باستاپ
سىڭىرە بىلدىڭىزدەر. سىزدەر تاربيە مەن يماني قۇندىلىقتارعا نەگىزدەلمەگەن
ءبىلىمنىڭ ءبىرجاقتى دۇنيە بوپ قالارىن جاقسى بىلگەن ەدىڭىزدەر، سوندىقتان دا
ولاردىڭ بويىنا ۇنەمى رۋحانيات پەن ىزگىلىكتىڭ، ادامگەرشىلىك پەن ادام
بولمىسىنداعى ەڭ اسىل قاسيەت — ىشكى مادەنيەتتىڭ شامشىراعىن جاعۋعا
اسىقتىڭىزدار. ولارعا ءوز مەملەكەتى مەن قوعامىن جانە دە عاسىردان
عاسىرلارعا جالعاسارلىق باي مادەنيەت قالىپتاستىرعان ءوز ۇلتىن ءسۇيۋدى،
قاسيەتتى تاۋەلسىزدىگىن قۇرمەتتەۋدى ۇيرەتە الدىڭىزدار. قۇرمەتتى ۇستازدار،
ءبىز وسى جولدا سىزدەرگە ەشقاشان دا وڭاي بولماعاندىعىن جاقسى تۇسىنەمىز.

سىزدەر وسى ءبىر قاسيەتتى مىندەتتى ناق وسى زامانعى ولشەۋسىز ىستەرگە تولى،
بۇگىنگى جاڭالىعى ءبىر ءسات ۋاقىت وتپەي — اق «ەسكىرىپ» جاتاتىن XXI عاسىر
قوعامىندا، جاڭا عاسىر مەكتەبىندە ەڭبەك ەتىپ، اتقارىپ وتىرسىزدار.

سىزدەرگە وزدەرىڭىزدەن بۇرىنعى زاماننىڭ تاماشا ۇستازدارى قالىپتاستىرىپ
كەتكەن لايىقتى تاجىريبەلەردى ۇيرەنە وتىرىپ، ۋاقىت اعىمىنا جەدەل ىلەسە
الۋ مىندەتى جۇكتەلدى. سىزدەر شىنىندا دا تاماشا ءداستۇر جالعاستىعىن ساقتاي
ءبىلىپ، زاماناۋي بىلىممەن قارۋلانۋشىلاردىڭ ءوز قوعامدارىڭىزداعى العاشقى
لەگىندە بولا الدىڭىزدار، ءوز عاسىرىڭىزداعى ءبىلىم بەرۋدىڭ سونى تاسىلدەرىن
لايىقتى تۇردە بويعا جيناقتادىڭىزدار. سىزدەردىڭ وسىنداي ۇشان — تەڭىز
ەڭبەكتەرىڭىز بەن توگىلگەن ماڭداي تەرلەرىڭىز بولاشاقتىڭ قارلىعاشتارى —
ءبىزدىڭ سۇيىكتى پەرزەنتتەرىمىز ءۇشىن اتقارىلعاندىعىن ءبىز جاقسى تۇسىنەمىز.

وسى ءۇشىن دە سىزدەرگە مىڭ العىس، ۇستاز! ءبىز، بۇگىنگى اتا — انالار، ءبىر
كەزدە ءوزىمىز دە شاكىرت بولدىق. ءومىر جولىمىزدىڭ ءاربىر ساتىندە ءبىلىم العان
ىستىق ۇيامىز بەن ارداقتى ۇستازدارىمىز تۋرالى ءوز وتباسىمىزدا وتىرىپ،
ءاردايىم دا سىر عىپ بولىسكەن ەدىك. ەندى ءبىزدىڭ بالالارىمىز دا وزدەرىنىڭ
اتا — انالارى ءجۇرىپ وتكەن ناق وسى قاسيەتتى دە، ءداستۇرلى جولدىڭ
جالعاستىرۋشىسى بولماق. ولار دا وزدەرىنىڭ الداعى ءومىر جولىندا وسىناۋ
التىن ۇياسى مەن ءقادىرلى ۇستازدارى جونىندە سان مارتە ساعىنىشقا جانە
ماقتانىشقا تولى سەزىممەن ەستەرىنە الاتىن بولادى. ءبىز وسىعان سەنەمىز.

قۇرمەتتى تۇلەكتەر! سەندەر ءبىزدىڭ بالالارىمىزسىڭدار. قازاقتا «اينالايىن»

دەگەن قاسيەتتى دە ماعىناعا تولى جاقسى ءسوز بار. وسىناۋ عاجايىپ ءسوزدىڭ
ىشىندە ادامي جۇرەكتىڭ بارلىق ىزگىلىگى مەن مەيىرىمى شۇپىلدەپ تۇنىپ
تۇرعانداي. بۇگىنگى قۋانىشتى ساتتە دە وزدەرىڭدى وقىتقان انا مەكتەپتەرىڭ
ءوز شاكىرتتەرىنە — تۇلەكتەرىنە ءدال وسىنداي مەيىرىممەن قاراپ تۇرعان
سەكىلدى. ەندى ول ءوزىنىڭ قاسيەتتى قوڭىراۋىن سەندەر ءۇشىن عانا سوڭعى رەت
سوقپاق. بۇل — وزدەرىڭ ءۇشىن قاعىلار ەڭ سوڭعى مەكتەپ قوڭىراۋى. وسى
سەزىمگە لايىق بولىپ ءومىر سۇرىڭدەر. ءسات — ساپار!