InfoHub Logo

Қазақстанда заңсыз онлайн-казино ұйымдастырушы деп күдіктелген азамат Грузиядан экстрадицияланды. Бұл туралы Қаржы мониторингі агенттігі хабарлады.

Bingo37.pro сервисі арқылы мыңнан астам құмар ойындарын ұсынған бұл қылмыстық топ, ойыншыларды Telegram және WhatsApp желілеріндегі жарнамалар мен акциялар арқылы тартқан. Жеңіл ақша табуға болатындай әсер қалдырып, ойыншылар ақша аударғаннан кейін логин мен пароль берілген.

Қаржылық алаяқтық және дропперлер

Ақша қабылдау және қаржылық ағындарды жасыру үшін ұйымдастырушы Грузия мен Тәжікстан азаматтарын, яғни дропперлерді тартқан. Олар Қазақстан аумағына арнайы келіп, банк шоттары мен нөмірлерін тіркеп, кейін ұйымдастырушыға беріп отырған. Осылайша, тіркелген шоттар арқылы 3,1 миллиард теңгеден астам қаржы айналымда болған.

Халықаралық іздеу және ұстау

2025 жылдың тамыз айында Рантик Бахтияр Оглы халықаралық іздеуге жарияланып, оған қатысты қамауға алу туралы бұлтартпау шарасы тағайындалған. 2026 жылдың қаңтар айында ол Грузияда ұсталып, Қазақстанға экстрадицияланды.

Мүлікті тәркілеу

Қылмыстық топ мүшесінің мүлкін жасыру мақсатында үшінші тұлғалардың атына тіркелген екі көлігі – PORSCHE CAYENNE және LEXUS GX 460 – мемлекет кірісіне тәркіленді. Тергеу жалғасуда.