InfoHub Logo

Математика 3 сынып
Сабақтың тақырыбы: 7 - ге көбейту және бөлу
Сабақтың мақсаты
1. Білімділік: Оқушыларға 7 - ге көбейту және бөлу тәсілдері туралы білімдерін пысықтау, көбейту кестесін құруда көбейтудің ауыстырымдылық қасиетін пайдалануды үйрету.
2. Дамытушылық: Логикалық ойлау қабілетін, ой - өрісін, есептеу дағдыларын қалыптастыру, математикалық тілін дамыту, пәнге қызығушылығын арттыру.
3. Тәрбиелік: Мақсатына жетуге ұмтылдыру, ұқыптылыққа, тапқырлыққа, іздемпаздыққа, өздігінен жұмыс істеуге тәрбиелеу.
Сабақтың типі: жаңа білім меңгерту.
Сабақтың түрі: жарыс сабақ.
Сабақтың әдісі: түсіндіру, сұрақ - жауап.
Пәнаралық байланыс: дүниетану, қазақ тілі, ана тілі
Сабақтың көрнекілігі: суретті плакаттар, кестелер

Сабақтың жоспары
І. Ұйымдастыру кезеңі
ІІ. Өткен сабақты қайталау
1. «Көбейту мен бөлу» ойыны
ІІІ. Жаңа сабақ
1. Мағынаны ашу. Жұмбақ
2. Сергіту сәті
3. Оқулықпен жұмыс
ІҮ. Жаңа сабақты бекіту
Ү. Бағалау
ҮІ. Үйге тапсырма

Сабақтың барысы
І. Ұйымдастыру кезеңі
- Оқушылармен сәлемдесу, түгендеу
- Оқу құралдарын ретке келтіру
- Оқушылардың зейінін сабаққа аудару
- Сабақты бастау

Психологиялық дайындау
Біз білімді баламыз.
Оқып білім аламыз.
Тапсырманы орындап,
Бестік баға аламыз.

ІІ. Өткен сабақты қайталау
«Көбейту мен бөлу» ойыны
Дөңгелектің бір жағы қызыл, бір жағы жасыл болады. Екі жағында да 6 саны жазылады. Дөңгелектің жасыл жағын көрсетіп, санды айтқанда, балалар бұл санды 6 - ға бөліп нәтижесін айтады. Егер қызыл түсі көрсетілсе, айтылған санды 6 - ға көбейтіп нәтижесін айтады.

ІІІ Жаңа сабақ
Жұмбақ (қоян)
- Балалар, қоянның әр секіргенінде 7 бірлік бар.
- Қоян 3 рет секірсе неше бірлік болады? (21 бірлік)
- Ал, ендеше 4, 5, 6, 7, 8, 9, 10 рет секіргенде ше?
- Неше бірлік бар екенін сұрай отыра, көбейту кестесін шығарып аламыз.
Көбейту мен бөлу өзара кері амалдар. Кесте бойынша бөлу кестесін түсіндіремін.
- Сонымен қандай санды көбейту, бөлумен таныстық? (7)
- Қазақ 3, 5, 7, 9 сандарын қасиетті сан деп есептеген.
- Ендеше, осы 7 саны туралы не білеміз. (7 ата, 7 күн, 7 қазына, 7 керемет, 7 жұлдыз, 7 жұрт, 7 нота)

Сергіту сәті
Аптаның 7 күніне сергіту сәтін өткізу.

Оқулықпен жұмыс
№1. Бос орынға тиісті санды қой.
№2. Өрнектердің мәндерін тап: Өрнектер құр және олардың мәндерін тап:

7 - ге көбейту және бөлу жүктеу