InfoHub Logo

Ашық сабақ Әліппе 1 сынып
Сабақтың тақырыбы: Ә дыбысы мен әрпі
Сабақтың мақсаты: Ә дыбысы және әрпімен таныстыра отырып, сауатты жазуға, дыбыстық талдауға үйрету. Ауызша және жазбаша байланыстырып сөйлеуге дағдыландыру.
Оқушыларды әсемдікке, достыққа, ұқыптылыққа, тапқырлыққа тәрбиелеу.
Оқушылардың оқу, жазу, сөйлеу, ойлау қаблеттерін дамыту. Сөздік қорын, сөйлеу мәнерін одан әрі байыту.
Сабақтың түрі: Саяхат сабақ.
Сабақтың әдісі: Сұрақ - жауап, әңгімелеу.
Сабақтың көрнекілігі: Оқулық, плакат, суреттер, буындар, текшелер.

Сабақтың барысы: І. Ұйымдастыру.
Психологиялық дайындық:
Армысыз шапағатты күн ана
Армысыз қайырымды көк ана
Армысыз мейірімді жер ана
Күндей жадырап, айдай арайлап
Жұлдыздай жарқырап
Судай мөлдір, таза көңілмен
Бүгінгі күнімізді бастаймыз!
- Оқушылар, бізге бүгін қонақтар келіп отыр. Келген қонақтар риза болуы үшін бар білгенімізді ортаға саламыз.
Оқушылар сендер саяхатқа шыққыларың келе ме? Саяхатқа шыға отырып біз жолбарыстардың тапсырмасын орындаймыз.

1 - жолбарыстың тапсырмасы: Өткенді пысықтау.
Қандай дыбыспен таныстық?
І дыбысынан келетін сөздер айту
Дыбыс нешеге бөлінеді?
Дыбысты не істейміз? Әріпті ше?
Дауысты дыбыстарды қандай текшемен белгілейміз
Дауыссыз дыбыстарды ше?
Мақалды жатқа сұрау

2 - жолбарыстың тапсырмасы: Жаңа сабақ
Жұмбақ. Бұрап қойған сағаттай
Айғайлайды таң атпай Бұл не? (Әтеш)

Таныстырар әріппен
Мынау кітап әліппең
«Әліппе» деген аты оның
Басталған қай әріптен (Ә)
Әтеш, әліппе сөздері қай дыбыстан басталған. (Ә дыбысынан)

Ә дыбысын айту. Ә дыбысы қалай айтылып тұр. Ә дыбысын қай дыбысқа жатқызамыз. Баспа түрін және жазба түрін көрсету. Қызыл және көк текшелер арқылы әткеншек, әліппе, әтеш сөздеріне дыбыстық талдау жасау.

Сергіту сәті. Күй тартамыз күмбірлі, күмбірлі
Ән айтамыз көңілді, көңілді
Би билейміз ырғақты, ырғақты
Біз бастаймыз оқуды, оқуды
Оқулықта берілген бағандағы сөздерді оқыту. буынға бөлу.
Ә - же ә - сем сән - ді ән ән - ші
Ә - ке ә - де - мі дәм - ді сән ә - теш
Мәтінді оқып беру. кім туралы? Мәтінді оқушыларға оқыту.
Дәптер және әліппе сөздерін жіктеу.
Менің дәптерім әліппем
Сенің дәптерің әліппең
Оның дәптері әліппесі

Сергіту сәті: Қалам алып қолыма
Ә дыбысын жазамын
5 - тік баға аламын
Үйге қуанып барамын
Баспа түрін басамыз
Жазба түрін жазамыз
Ә дыбысының баспа және жазба түрін көрсету, ауаға жазу, тақтаға жазу.
Оқушылардың жазба жұмыстарын қадағалау.

3 - жолбарыстың тапсырмасы: Ойын «Шатасқан буындар»
АУ НА ДӘП ПА ШУ ЛА
ША ТЕР ҚА СА ТА АР

Не үйреніп, не білдік?
Ә дыбысынан келетін мақалдар айту.
Әдептілік белгісі, иіліп сәлем бергені
Әдепті бала арлы бала,
Әдепсіз бала сорлы бала

Сабақты қорыту: Мен және сен
Міне қолым, міне жүрегім
Жақсы көрем сыныптасым менің!
Үйге тапсырма: Әліппе өлеңін жаттау
Сабаққа жақсы қатысқан оқушыларды мадақтау, сыйлықтар беру.