InfoHub Logo

Алматыда зейнеткер алаяқтардың алдауына түсіп, оларға көп ақша аударған. Сол күні кешке ер адам жедел жәрдем келмей жатып көз жұмды.

Бұл туралы Infohub.kz ақпарат агенттігі хабарлайды.

Марқұмның туыстарының айтуынша, 21 наурызда зейнеткер таңертең базарға барғанда алаяқтардың жетегіне ілінген. Оны қала бойынша банкоматтарға апарып, 8 адамның шотына шамамен 4 миллион теңге аудартқан.

Қайтыс болған зейнеткердің немересінің айтуынша, әкесі қоңырау шалғанда белгісіз ер адам телефонды алып, әлдекімдердің дауысы естілген. Соңғы телефон әңгімесінде әкесі аялдамаға бара жатқанын айтқан. Алаяқтар ма, деген сұраққа ол иә деп жауап беріп, кейін әлсіреп, көшеде құлап қалған. Жан-жағындағылар көмек көрсетіп, жедел жәрдем шақырған. Алайда, дәрігерлер келмей жатып ер адам қайтыс болды.

Алматы қалалық полиция департаменті бұл дерек бойынша қылмыстық іс қозғалғанын хабарлады.

Полиция тергеу жүргізіп жатыр

«Қазіргі уақытта күдіктілердің жеке басын анықтап, оларды ұстауға бағытталған жедел-тергеу іс-шаралары кешені жүргізіліп жатыр», - делінген полиция хабарламасында.

Қыз әкесіне көмектесуге тырысқан баршаға алғыс айтып, осы оқиға туралы білетіндері немесе көргендері болса хабарлауды сұрады.

Бұған дейін Ақмола облысы Қосшы қаласында жергілікті зейнеткер алаяқтардың құрбаны болған еді. Ол интернеттегі жарнамаға алданып, 10 миллион теңгесінен айырылған.