InfoHub Logo

Балалар мерекеге безендірілген залға көңілді әуенмен кіреді.

Жүргізуші: Құрметті қонақтар, балабақша қызметкерлері, балалар! Сіздерді «Айна» тобының «Алтын күз» мерекесін тамашалауға шақырамыз!
Қош келдіңіз қонақтар
«Алтын күз» сын – кешіне
Отырыңыз қол соғып,
Шат күлкіге бөлене.
1 бала:
Алақай – алақай
Шаттанды балақай
Береке – салты күз
Мереке – Алтын күз.
2 бала:
Көрініп еліме,
Күндері мереке
Келді ғой жеріме
Күз дейтін мереке.

Ән: «Біздің балабақшамыз»
Қанша бала, қанша қыз
Бір шоқ гүлміз баршамыз
Ойын, күлкі ордасы
Біздің балабақшамыз.

Гүлге толы қолымыз,
Біз өсеміз, толамыз.
Бәрімізде ертең - ақ
Үлкен жігіт боламыз.

Біз ертеңгі батырмыз,
Біз ертенгі ақынбыз
Бір анадан туғандай
Біз бәріміз татумыз

Тақпақтар:
1 бала:
Жомарт көңіл, жарқын күз,
Берекесі халқымның.
Қош келіпсің, алтын күз,
Құт қонағы төрімнің
2 бала:
Алтын, сары, қызыл, көк
Алуан, алуан жапырақ.
Күзгі бақта күлімдеп
Көз тартады жапырлап.
3 бала:
Берекесін сыйлауға
Өлкемізге күз келді.
Жемістерін жинауға
Шақырады біздерді.
Ойын «Кім жылдам»
Көңілді әуен ойналады, жел соққаны естіледі.
«Күз ханшайымы» кіреді. Сәлеметсіңдер ме балалар! Сәлеметсіздер ме қонақтар!
Мен сіздерге алыстан келдім.
Бұлттар төніп,
Жаңбыр төгіп,
Жапырақтар сарғайды.
өні тайып
сұры қашып
денең мұздап тоңады.
Айтыңдаршы бөбектерім
Бұл қай кезде болады?

Балалар - Күзде

Күз ханшайымы: - дұрыс айтасыңдар. Ал мен «Күз ханшайымы» боламын. Мен сендерге бос келген жоқпын, би ойын алып келдім. Кәне жапырақтарым, маған қарай ұшыңдар.
Би: «Жапырақтар биі» қыздардың орындауында

Ойын: «Дәмінен таны»

Тақпақтар:
1 бала:
Ел егінді жинайды,
Қырманға дән сыймайды
Біздің дала – бай дала
Алтын астық айнала.
2 бала:
Құстар қайтты ән салып,
Бұлт торлады аспанды.
Қыс келеді жар салып,
Күзгі суық басталды.
3 бала:
Алтын, сары, қызыл, көк
Алуан, алуан жапырақ.
Күзгі бақта күлімдеп
Көз тартады жапырлап.
4 бала:
Берекесін сыйлауға
Өлкемізге күз келді.
Жемістерін жинауға
Шақырады біздерді.

Ән: «Күз»
Жерде жаңбыр жалтырайды,
Жапырақтар қалтырайды.
Көкте ай, күн балқымайды,
Көлде аққу қалқымайды.

Жел тұрудан жалықпайды
Күн жылытып жарытпайды.
Жапырақтар жерге қарай
Қалықтайды, қалықтайды.
Жүргізуші:
Осымен мерекелік ертеңгілігіміз аяқталды.
Қош сау болыңыздар!

Алматы облысы,
Қаратал ауданы №97 балабақшасы
Наренбаева Махаббат Жұмабекқызы