InfoHub Logo

Ақтауда ақпан айында ауа райы қандай болатынын білгіңіз келсе, осы мақаланы оқыңыз. Маңғыстау облысы бойынша «Қазгидромет» филиалының мамандары ақпан айына арналған ауа райы болжамын ұсынды.

Бұл туралы Infohub.kz ақпарат агенттігі хабарлайды.

Ауа температурасы

Айдың орташа температурасы -4,6..+2,6°С аралығында болады деп күтілуде, бұл қалыпты нормадан 1-2° жоғары (норма: -6,2+0,6°С).

Бірінші онкүндік

Бірінші онкүндікте түнде температура -1..-6°С-тан 0..+5°С-қа дейін, күндіз +3..+8°С-тан +8..+13°С-қа дейін көтеріледі. Кейін түнде -4..-9°С-қа, күндіз -1..+4°С-қа дейін төмендейді.

Екінші онкүндік

Екінші онкүндікте түнде температура -4..+1°С-қа, күндіз +4..+9°С-қа дейін көтеріледі. Кейін қайтадан түнде -4..-9°С-қа, күндіз -1..+4°С-қа дейін төмендейді. Онкүндіктің соңында температура қайта көтеріледі.

Үшінші онкүндік

Үшінші онкүндікте түнде -4..+1°С-тан +1..+6°С-қа, күндіз +6..+11°С-тан +11..+16°С-қа дейін көтеріледі.

Жауын-шашын

Ай бойы жауын-шашын мөлшері қалыпты деңгейде болады деп күтілуде (норма: 7-13 мм). Жауын-шашын (жаңбыр, қар) бірінші онкүндіктің ортасында, екінші онкүндіктің басында күтіледі. Қар, боран – бірінші онкүндіктің соңында. Жаңбыр айдың соңында болжануда. Тұман бірінші және үшінші онкүндіктердің басында болуы мүмкін. Желдің жылдамдығы 15-20 м/с-қа дейін жетуі мүмкін.

«Қазгидромет» филиалының мамандары айлық ауа райы болжамының кеңес беру сипатында екенін ескертті. Күнделікті ауа райының өзгерістері үш-бес күнге дейін ауысуы мүмкін, сондай-ақ температураның ауытқуы (+/-5°С) және атмосфералық құбылыстардың өзгеруі мүмкін. Айлық болжам онкүндік болжамдармен нақтыланады.