InfoHub Logo

Қазақстанның бірқатар өңірінде 5 маусымда найзағайлы жаңбыр мен дауыл болады. Оңтүстік өңірлерде аптап ыстық пен жоғары өрт қаупі сақталады.

Бұл туралы Infohub.kz ақпарат агенттігі хабарлайды.

Астана

Астанада оңтүстік-батыс жел соғады, күндіз екпіні 15-20 м/с жетеді.

Алматы

Алматыда күндіз шағын жаңбыр, найзағай күтіледі. Солтүстік-батыс жел соғады, күндіз екпіні 15 м/с болады. Өрт қаупі жоғары. Іле Алатауының таулы аймақтарында (Алматының Медеу және Бостандық аудандары) уақытша жаңбыр, найзағай күтіледі. Солтүстік-батыс жел соғады, екпіні 15-20 м/с жетеді.

Шымкент

Шымкентте солтүстік-батыс жел соғады, екпіні 15-20 м/с жетеді. Өрт қаупі жоғары.

Ақтөбе облысы

Облыстың солтүстігінде, шығысында жаңбыр, найзағай күтіледі. Батыс, солтүстік-батыс жел соғады, күндіз екпіні 15-20 м/с жетеді. Солтүстік-шығыста жоғары өрт қаупі, оңтүстік пен шығыста төтенше өрт қаупі сақталады. Ақтөбеде уақытша жаңбыр, найзағай болады. Солтүстік-батыс жел соғады, күндіз екпіні 15 м/с жетеді.

Алматы облысы

Облыстың таулы, тау бөктерінде түнде уақытша жаңбыр, найзағай күтіледі. Күндіз солтүстік, батыс, оңтүстік өңірлерде шағын жаңбыр жауады. Таулы аймақтарда уақытша жаңбыр, найзағай болады. Батыс, оңтүстік, таулы аймақтарда желдің екпіні 15-20 м/с жетеді. Солтүстікте төтенше өрт қаупі, батыс пен шығыста жоғары өрт қаупі сақталады. Оңтүстікте жоғары өрт қаупі күтіледі. Конаевта солтүстік-батыс жел соғады, күндіз екпіні 15-20 м/с жетеді. Жоғары өрт қаупі күтіледі.

Қарағанды облысы

Облыстың батысында, шығысында, оңтүстігінде жаңбыр, найзағай күтіледі. Батыс пен оңтүстікте желдің екпіні 15-18 м/с жетеді. Батыс, солтүстік, орталықта төтенше өрт қаупі, шығыста жоғары өрт қаупі сақталады. Қарағандыда төтенше өрт қаупі сақталады.

Ұлытау облысы

Облыстың солтүстігінде күндіз шағын жаңбыр, найзағай күтіледі. Оңтүстік-батыс жел соғады, күндіз екпіні 15-20 м/с жетеді. Жоғары өрт қаупі күтіледі. Жезқазғанда оңтүстік-батыс жел соғады, күндіз екпіні 15-18 м/с жетеді. Жоғары өрт қаупі сақталады.

Жетісу облысы

Таулы аймақтарда күндіз шағын жаңбыр, найзағай күтіледі. Батыс жел соғады, екпіні 23-28 м/с жетеді. Күндіз 35 градус ыстық болады. Облыста жоғары өрт қаупі, солтүстік, шығыс, оңтүстікте төтенше өрт қаупі сақталады.

Қызылорда облысы

Облыстың солтүстігінде жаңбыр, найзағай, дауыл, шаңды дауыл күтіледі. Батыс, оңтүстік-батыс жел соғады, екпіні 15-20 м/с жетеді. Орталық пен оңтүстік-шығыста жоғары өрт қаупі, батыс, солтүстік, оңтүстік, солтүстік-шығыста төтенше өрт қаупі сақталады. Қызылордада жоғары өрт қаупі сақталады.

Маңғыстау облысы

Облыстың орталығында жоғары өрт қаупі сақталады.

Қостанай облысы

Жаңбыр, найзағай, солтүстік, шығыс, оңтүстікте қатты жаңбыр, бұршақ, дауыл күтіледі. Батыс пен солтүстікте түнде және таңертең тұман болады. Оңтүстік-шығыс жел соғады, екпіні 15-20 м/с жетеді. Оңтүстік, шығыс, орталықта жоғары өрт қаупі сақталады. Қостанайда жаңбыр, найзағай болады.

Түркістан облысы

Оңтүстік пен таулы аймақтарда уақытша жаңбыр, найзағай күтіледі. Солтүстікте шаңды дауыл болады. Солтүстік-батыс жел соғады, екпіні 15-20 м/с жетеді. Облыста жоғары өрт қаупі күтіледі. Түркістанда солтүстік-батыс жел соғады, екпіні 15-20 м/с жетеді. Жоғары өрт қаупі күтіледі.

Жамбыл облысы

Оңтүстік, шығыс, таулы аймақтарда таңертең және күндіз уақытша жаңбыр, найзағай күтіледі. Таулы аймақтарда желдің екпіні 15-20 м/с жетеді. Батыс, оңтүстік, шығыста жоғары өрт қаупі сақталады.

Абай облысы

Күндіз 35 градус ыстық болады. Облыста жоғары өрт қаупі, солтүстік-батыс пен оңтүстікте төтенше өрт қаупі сақталады. Семейде жоғары өрт қаупі күтіледі.

Ақмола облысы

Түнде батыс, солтүстік, оңтүстікте жаңбыр, найзағай күтіледі. Күндіз батыс, солтүстікте жаңбыр, найзағай болады, батыста қатты жаңбыр, бұршақ жауады. Жел оңтүстік-батыс бағытта соғады, күндіз екпіні 15-20 м/с, батыс, солтүстік, шығыста 23-28 м/с жетеді. Солтүстік, оңтүстік, шығыста жоғары өрт қаупі сақталады. Көкшетауда жаңбыр, найзағай болады. Оңтүстік-батыс жел соғады, екпіні 15-20 м/с жетеді.

Павлодар облысы

Батыс, оңтүстік өңірлерде шағын жаңбыр, найзағай күтіледі. Батыс, оңтүстік, шығыста жоғары өрт қаупі сақталады. Павлодарда жоғары өрт қаупі сақталады.

Батыс Қазақстан облысы

Батыс, солтүстік өңірлерде жаңбыр, найзағай күтіледі. Батыс, солтүстік-батыс жел соғады, күндіз екпіні 15-20 м/с жетеді. Батыста жоғары өрт қаупі сақталады.

Солтүстік Қазақстан облысы

Түнде батыс, оңтүстікте жаңбыр, найзағай күтіледі. Солтүстікте шағын жаңбыр, найзағай болады. Күндіз жаңбыр, найзағай, батыс пен солтүстікте бұршақ, дауыл күтіледі. Түнде және таңертең солтүстік пен шығыста тұман болады. Оңтүстік-шығыс жел соғады, күндіз екпіні 15-20 м/с, батыс пен солтүстікте 23-28 м/с жетеді. Шығыс пен оңтүстік-батыста жоғары өрт қаупі сақталады. Петропавлда түнде шағын жаңбыр, найзағай, күндіз жаңбыр, найзағай, бұршақ, дауыл болады. Түнде және таңертең тұман күтіледі. Оңтүстік-шығыс жел соғады, күндіз екпіні 15-20 м/с, 25 м/с жетеді.

Шығыс Қазақстан облысы

Оңтүстік пен орталықта жоғары өрт қаупі сақталады.