InfoHub Logo

Қазгидрометтің ресми сайтында Ақтөбе мен Орал қалаларының тұрғындарына арналған ескерту жарияланды. Бұл туралы Infohub.kz ақпарат агенттігі хабарлайды.

Ескерту сенбі, 23 мамыр күні ауа сапасының нашарлауына қатысты.

Ауа сапасына әсер ететін факторлар

Хабарламада: «23 мамырда Орал, Ақтөбе қалаларында қолайсыз метеорологиялық жағдай күтіледі», - делінген.

Қолайсыз метеожағдай дегеніміз – ауаның ластануына ықпал ететін желсіздік, әлсіз жел, тұман, инверсия сияқты қысқа мерзімді метеорологиялық факторлардың жиынтығы. Бұл жағдайлар атмосфераның жер бетіндегі қабатында зиянды заттардың жиналуына себеп болады.

Болжамды ауа райы

Синоптиктердің мәліметінше, Ақтөбеде сенбі күні ашық аспан болады. Жел бағыты ауыспалы, 1-6 м/с. Температура түнде 5-7 градус жылы, күндіз 24-26 градус жылы болады.

Ал Орал қаласында айнымалы бұлтты болып, жауын-шашын болмайды. Жел шығыстан соғады, 2-7 м/с. Температура түнде 11-13 градус жылы, күндіз 25-27 градус жылы болады.