InfoHub Logo

Астанадағы тұрғын бейтаныс адамның «арзан бағамен телеарна қосу» туралы ұсынысына сеніп, 20 миллион теңгесінен айырылды. Бұл туралы қала прокуратурасы мәлімдеді.

Бұл туралы Infohub.kz ақпарат агенттігі хабарлайды.

Өткен айда астаналыққа ұялы байланыс операторының қызметкерімін деп танысқан бейтаныс адам хабарласқан. Ол қосымша телеарналарға 30 пайыздық жеңілдік ұсыныпты. Сөйлесу барысында ер адамды бірқатар әрекеттер жасауға көндіріп, оның смартфонына қашықтан қол жеткізген. Осыдан кейін, жәбірленушінің депозитінен 20 миллион теңге ұрланған.

Алаяқтардың жаңа әдісі

Қазіргі таңда алаяқтық дерегі бойынша сотқа дейінгі тергеу басталды. Азаматқа келтірілген шығын өте ірі көлемде деп есептелуде.

Құқық қорғау органдары ескертеді

Астана қалалық прокуратурасы азаматтарды мұқият болуға, телефон арқылы бейтаныс адамдардың нұсқауларын орындамауға, сондай-ақ құпия кодтарды, банк картасы деректемелерін және жеке мәліметтерді үшінші тұлғаларға бермеуге шақырады.

Бұған дейін қазақстандықтардың емханаға барғаннан кейін дереу күдікті қоңыраулар қабылдайтыны туралы шағымдары туралы хабарлаған болатынбыз. Олар дәрігер болып танысып, кодты сұрап, кейін несие туралы хабарламалар пайда болған. Денсаулық сақтау министрлігінің мәліметінше, бұл жағдайлар еліміздің әртүрлі өңірлерінде тіркелуде және әдетте медициналық ұйымдардың қызметімен байланысты емес.