InfoHub Logo

Астанада жүк көлігінің жүргізушісі мемлекеттік нөмірді шүберекпен жасыру әрекеті үшін жазаланды. Бұл туралы Астана қалалық полиция департаменті хабарлады.

Бұл туралы Infohub.kz ақпарат агенттігі хабарлайды.

Оқиға 27 наурызда оңтүстік айналма жолында, Қызылсуат ауылынан Ш. Мұртаза көшесі бағытына қарай болған. Камералар Shacman маркалы көліктің жүргізушісі мемлекеттік нөмірлік белгілерді шүберекпен жапқанын тіркеп алған.

Ер адам ұсталып, сот оған екі тәулік әкімшілік қамаққа алу және бір жылға жүргізуші куәлігінен айыру жазасын тағайындады.

Жүк көлігі коммуналдық тұраққа қойылды.

Полиция мұндай бұзушылықтар назардан тыс қалмайтынын еске салды.