InfoHub Logo

Астанадағы тарихи Астана-1 вокзалының реконструкциясы мерзімінен бұрын аяқталуы ықтимал. Бұл туралы үкімет отырысының кулуарында ҚР Индустрия және инфрақұрылымдық даму министрінің орынбасары Мақсат Қалиакпаров мәлімдеді.

Бұл туралы Infohub.kz ақпарат агенттігі хабарлайды.

Бастапқыда вокзал 2026 жылдың соңына дейін пайдалануға берілуі тиіс болған. Алайда, құрылыс жұмыстарының жеделдетілгеніне байланысты, нысанды күзде, яғни қысқы кезең басталғанға дейін ашу жоспарлануда.

Стратегиялық маңызды нысан

Мақсат Қалиакпаровтың айтуынша, вокзал – ел үшін стратегиялық маңызды нысан болғандықтан, оны салу жұмыстары жобалаумен қатар жүргізіліп, мерзімді барынша қысқартуға тырысуда.

«Біз мұның стратегиялық нысан екенін білеміз, сондықтан барынша қысқа мерзімде аяқтау үшін жобалау және құрылыс жұмыстарын қатар жүргізіп жатырмыз», - деп түсіндірді ол.

Жобаның құны мен жаңалықтары

Министр орынбасары жобаның құнының өсуіне қатысты сұрақтарға да жауап берді. Оның айтуынша, «резкое удорожание» туралы айтуға болмайды, бірақ әкімдіктің қосымша талаптары, соның ішінде вокзалдың өткізу қабілетін арттыруға қатысты ұсыныстар болғанын жоққа шығармады.

Сондай-ақ, жаңартылған вокзал аумағында заманауи фуд-корт аймағын орналастыру жоспарлануда. Бұл жаңа концепция бойынша, асхана аймағы бөлек болып, иіс залдың басқа бөліктеріне тарамайтындай етіп жасалмақ.

Еске сала кетейік, бұған дейін Астана-1 вокзалының реконструкциясының құны үш есеге жуық өскені хабарланған еді. Егер 2024 жылы бұл сома 6 миллиард теңге болса, кейіннен 16,6 миллиард теңгеге дейін көтерілді. Бұл көрсеткіштер нысанға қойылған талаптардың артқанымен, жұмыс көлемінің кеңейгенімен және жаңа платформаның салынуымен байланыстырылған болатын.