Асхат Аймағамбетов ҰБТ нәтижелері бойынша мектептердің рейтингін жасамауды сұрады
Білім және ғылым министрі Асхат Аймағамбетов өңір әкімдіктерінен ҰБТ нәтижелері бойынша облыстардың, қалалар мен мектептердің рейтингтерін жасамауды сұрады.
«ҰБТ кезінде қоғамдық тәртіпті сақтау, ҰБТ өткізу пунктерін медициналық персоналдармен қамтамасыз ету қажет. Екіншіден, ҰБТ нәтижелері бойынша облыстардың, қалалар мен мектептердің рейтингтерін жасамауды сұраймыз. Қазіргі таңда ҰБТ - өз еркімен жоғарғы оқу орындарына түсу үшін тапсыратын емтихан болғандықтан, осы нәтижелерді рейтинг жасауға пайдалану - біздің ойымызша, дұрыс емес», - деді Білім және ғылым министрі Үкімет отырысында.
Асхат Аймағамбетов үшіншіден, мектеп бітірушілер мен олардың ата-аналарына қолайлы жағдай жасауды, балаларды тасымалдау мәселесін ұйымдастыруды сұрады.
«Жалпы, ҰБТ өткізуге дайындық жоспарға сай жүргізіліп жатыр. Биылғы тестілеуді өткізуге дайынбыз», - деді министр.
ҚазАқпарат
You Might Also Like
-
Якутиялық ғалымдар жұмсақ тіні мен миы сақталған бірегей олжаны зерттеуде.
-
Қазақстандықтар әлемнің көптеген елдерінде тегін білім ала алады. Бұл туралы «Халықаралық бағдарламалар орталығында» хабарланған.
