InfoHub Logo

Шығыс Қазақстан облысындағы тұтынушылар танымал онлайн-сауда алаңы Wildberries-ке қатысты бірнеше рет шағым түсірді. Бір жағдайда жаңа телефонның орнына қолданылған телефон келсе, екіншісінде сапасыз куртка жіберілген. Ал үшінші жағдайда, тауарды алмағанына қарамастан, ақшасы шегерілген.

Бұл туралы Infohub.kz ақпарат агенттігі хабарлайды.

Тұтынушылар Wildberries қолдау қызметімен ұзақ уақыт хат алмасып, мәселені бейбіт жолмен шешуге тырысқан. Алайда, нәтиже шықпаған соң, олар Шығыс Қазақстан облысы бойынша Сауда және тұтынушылардың құқықтарын қорғау департаментіне жүгінген. Тергеу нәтижесінде аймақ тұрғындарына 233 мың теңгеден астам қаражат қайтарылды.

Маркетплейстерге қатысты жаңа ережелер

Естеріңізге сала кетейік, Қазақстанда шетелдік маркетплейстерден тауар сатып алу ережелері өзгереді. Негізгі өзгеріс 200 евродан жоғары тауарларға қатысты болады. Оларға құнының 5%-ы мөлшерінде кедендік баж салынады (бірақ 1 еуро/кг кем емес), сондай-ақ 16% ҚҚС қосылады. Яғни, тауардың құны немесе салмағына қарай ең жоғары төлем алынады. 200 евроға дейінгі тауарлар үшін баж салығын төлеудің қажеті жоқ.