InfoHub Logo

Арыс қалалық білім бөліміне қарасты М. Шаханов атындағы жалпы орта мектебінің жанынан ашылған шағын орталық « Балауса» балабақшасының тәрбиешісі А. Жарқынбекованың «Баланың ақыл - ой белсенділігін дамыту» тақырыбындағы баяндамасы

Жоспар.
І. Кіріспе
Отбасы және балабақша.
ІІ. Негізгі бөлім
Баланың ақыл - ой белсенділігін дамыту.
ІІІ. Қорытынды

«Баланың ақыл - ой белсенділігін дамыту».
Мемлекетіміз тәуелсіздігін алып, өз алдына іргелі ел болғалы барлық салада көптеген өзгерістер мен дамулар жүруде. Яғни қазіргі уақытта мемлекетіміз барлық әлеуметтік және басқада салаларға көптеген талаптар қоюда. Нақтырақ айтатын болсақ, әлемдік дамуына сай, білімді біліктілігі мен шығармашылық белсенділігі жетілген, жан - жақты мамандар дайындау міндеті тұр. Елбасының Қазақстан халқына жолдауында айтылғандай « Барлық Қазақстандықтардың алдында тұрған басты міндет – Қазақстанды дамыған 50 елдің қатарына қосу».
2008 - 2009 жылғы Елбасының « 100 мектеп, 100 аурухана» бағдарламасы бойынша көптеген облыс, аудан - ауылдарда мектептер мен балабақшалар ашылуда. Тәрбие мен білім беру ең алғаш балабақшадан басталды. Адам бойындағы қабілетті дамытып, олардың өсуіне жол ашу адамның рухани күшін нығайтып, өзін - өзі табуына көмектеседі. Адам өз болмысымен тануға ұмтылуына көмектесіп, тереңде жатқан талап тілегін қабілетін дамытады. Сол арқылы оған толыққанды өмір сүру үшін жаңа рухани күш беру білім мен тәрбиенің ең басты мақсаты болып табылады.
Дұрыс тәрбие – балаға өмір бойы азық. Сол тәрбиеші ұйымдастыратын басты тұлға тәрбиеші болса, ал отбасында ата - ана.
Отбасы мен балабақшаның басты мақсаты – саналы да тәрбиелі, білімді жас ұрпақ тәрбиелеу. Бала тәрбиесіне тәрбиеші жұмысының қай саласын алсақ та бәрінде табысқа жетудің негізі – тәрбиеленушінің жан - жақты болуы.