InfoHub Logo

Өзбекстан президенті Шавкат Мирзиёевтің билікке келген алғашқы жылдарында оны тақтан тайдыруға тырысқандар болғаны туралы айтқандары елді елеңдетті. Президенттің өзі баяндаған бұл оқиғалар, тіпті ескерткіш басын алып тастау арқылы қорқытпақ болған әрекеттерге дейін жеткенін көрсетеді.

Бұл туралы Infohub.kz ақпарат агенттігі хабарлайды.

«Қышлақтан келген кісі қашан кетеді?»

Мирзиёевтің сөзінше, оның билікке келуіне қарсылар «Қышлақтан келген кісі қашан кетеді екен?» дегендей, үлкен күрес жүргізген. Бұл күрес тіпті президенттің қызметінен кетуіне себеп болатындай деңгейге жеткен.

Ескерткіш басын алып тастау әрекеті

Бір күні таңертең екі ел президенттерінің Ұлықбек ескерткішіне гүл қою рәсімі жоспарланған. Алайда, таңғы сағат жетіге он минут қалғанда президентке ескерткіштің басы жоқ екені хабарланады. Бұл жағдайды Мирзиёевтің қызметінен кетуіне себеп болатын саяси шабуыл ретінде бағалаған.

«Сағат онға он минут қалғанда кортеж келеді, Президент Иран президентімен келеді, ал ескерткіштің басы жоқ. Осымен бірге Мирзиёевтің де «басы кетеді» деп есептелген», - дейді ол.

Шеберлік пен тапқырлық

Президенттің айтуынша, бұл әрекетті ұйымдастырғандар оны қызметінен кетіруді көздеген. Алайда, Мирзиёевтің өзі сол күні таңертең екі-үш араны алып, таныс мүсіншімен бірге хирургия орталығына барып, Ибн Сина ескерткішінің басын кесіп әкелген. Ол басты гипстен жасалған «шарфпен» бекітіп, уақытында ескерткішке орнатқан.

«Сағат тоғызға он минут қалғанда әлгілер менің жұмыстан кеткеніме 100 пайыз сеніммен келді. Бірақ ескерткіштің басы да, өзі де орнында тұрды», - деп еске алды президент.

«Бұл – үлкен күрес»

Мирзиёев бұл оқиғаны жастарға үлгі ретінде айтып, биліктегі жолдың оңай болмағанын, бұл – «үлкен күрес» екенін атап өтті.