InfoHub Logo

Өзгеру дегеніміз – үлкен жетістіктің
алғашқы баспалдағы.
(Д. Дидро)

Қазіргі білім беру жүйесінің мақсаты - бәсекеге қабілетті маман дайындау. Мектеп үйрететін орта, оның жүрегі – мұғалім. Ізденімпаз мұғалімнің шығармашылығында ерекше тұс - оның сабақты түрлендіріп, тұлғаның жүрегіне жол таба білуі. Нарық жағдайында мұғалімге қойылатын талаптар: бәсекеге қабілеттілігі, білім беру сапасының жоғары болуы, кәсіби шеберлігі, әдістемелік жұмыстағы шеберлігі. Мұғалім үшін кәсіби шеберлікке жету, өз мамандығының данышпаны болу бір күнде пайда болатын дүние еместігін біз жақсы түсінуіміз керек және өмір бойы ізденушілікті, зерттеушілікті талап ететін мамандық екенін анық аңғарғанда ғана толық нәтижеге жете аламыз. Мұғалімнің әрбір сөзі мен ісі, қимылы, аяқ алысы, көзқарасы психологиялық және ізгілік тұрғысынан шәкірт жүрегіне үлкен орын алады. Сондықтан әрбір ұстаз үшін оқу мен тәрбие процесін ұйымдастыруда мол білімділікті, ақылдылықты, дұрыс іскерліктер мен дағдыларды қолдану қажет етеді.

Бұрынғы оқушы тыңдаушы, орындаушы болса, ал қазіргі оқушы – өздігінен білім іздейтін жеке тұлға екендігіне ерекше мән беру керек екендігіне көзім жетті. Осындай тұлғаны дамыту үшін оқытудың жаңа тәсілдері қажет. Елбасы жолдауында еліміздің білім сапасын арттыру бағытын жүзеге асыру мақсатында ұстаздардың біліктіліктерін арттыру үшін үш айлық курс ашылды. Мен осы курс барысында өзіміздің біліктілікті арттырудың мән - жайына қанығып, соңғы заманауи әдіс - тәсілдерді басшылыққа алу керектігін ұғындым. Бұл бағдарламаның негізгі міндеті - мұғалімдерге педагогикалық тәжірибесін жетілдіру мен бағалауға көмектесу. Сондықтан білім беру мен оқытудың қазіргі замандағы әдістері мұғалімнің күнделікті тәжірибесі және кәсіби мән мәтінмен өзара байланыста қарастырылады. Бұл бағдарламада қазіргі заманғы оқыту әдістері жеті модуль арқылы берілген.