InfoHub Logo

Сабақтың тақырыбы: Дұрыс бөлшектер. Бұрыс бөлшектер
Сыныбы: 5

Сабақтың мақсаты:
Дұрыс бөлшектер, бұрыс бөлшектер ұғымдармен таныстыру; Дұрыс және бұрыс бөлшектерді жазып үйрену; оқушылардың танымдық қызығушылықтарын арттыру; оқушылардың есептеу мәдениетін қалыптастыру; деңгейлеп оқыту арқылы оқушылардың есептерді шығарудағы логикалық ойлау қабілеттерін, есте сақтау және зейін қою қабілеттерін дамыту. Деңгейлік тапсырмаларды орындау арқылы өзіндік ізденістерін қалыптастыру. Бір - біріне достарына көмек көрсетіп, топ, ұжым болып бірлесіп, тату - тәтті жұмыс істей білуге тәрбиелеу.
Міндеттер:
• Дұрыс бөлшектер мен бұрыс бөлшектердің ажырата білу;
• натурал санды бұрыс бөлшек түрінде жаза білу;
• дұрыс және бұрыс бөлшектерді 1 санымен салыстыра білу;
Сабақтың типі: Жаңа білім игеру және оны алғашқы бекіту.
Сабақтың түрі: аралас сабақ.
Қолданылған көрнекіліктер және сабақ технологиясы: слайдтар, АКТ, деңгейлеп оқыту
Пайдаланылған әдіс - тәсілдер: түсіндіру, сұрақ - жауап, жартылай ізденушілік
Сабақ өткізу формалары: жеке, жұптық, өзін - өзі тексеру, деңгейлік оқыту.
Пәнаралық байланыс: физика, информатика, қазақ тілі.

Сабақтың барысы:
І. Ұйымдастыру кезеңі. Оқушылармен амандасу, түгендеу.
II. Үй тапсырмасын тексеру

III. Жаңа сабақ Балалар жаңа сабақты бастамас бұрын бүгін қандай күн екенін білгілерің келе ма? Олай болса бүгін «20 - қараша Бүкіл дүниежүзілік балалар күні» екен. 1954 жылы БҰҰ барлық елдерге бүкіл дүниежүзілік балалар күнін бір күнге белгілейік деп ұсыныс жасаған екен. 1959 жылы 20 - қараша Бүкіл дүниежүзілік балалар күні болып белгіленеді, ал осы күні балалар құқығының декларациясы, 1989 жылы балалар құқығы жайлы конвенция қабылданады. Ал біз 1 маусым балаларды қорғау күні екенін білеміз. Сонымен қатар балалар күнінің өз туы бар екен. Оны слайдтан көріп отырмыз.
Сабақтың мақсаты айтылады.
1. Сары жұмыртқа барлық жұмыртқаның қандай бөлігін құрайды? (Үштен бір)
2. Тортты тең 8 бөлікке бөлдік. Түскі аста 3 бөлігін жедік. Торттың қандай бөлігі желінді?
Қайсысы үлкен? Бүтін торт па әлде торттың бөлігі ме? (Сегізден үш бөлігі желінді).
Алымы бөлімінен кіші бөлшек дұрыс бөлшек деп аталады.
Қорытынды: Кез - келген дұрыс бөлшек 1 - ден кіші болады.