InfoHub Logo

Математика (4-сынып)
Сабақтың тақырыбы: Екі таңбалы санға көбейту және бөлу алгоритмін қайталау сабағы.

Сабақтың мақсаты: Екі таңбалы санға көбейту және бөлуге байланысты есептер, теңдеулер шешу, мазмұнды есептер шығарту арқылы есеп шығару дағдысын қалыптастыру.
Ойлау қабілеттерін дамыту.
Ұлттық ойындарды танытып, оқушыларды алғырлыққа, шапшаңдыққа, тапқырлыққа тәрбиелеу.
Әдіс: түсіндіру, талдау, сұрақ-жауап, ойын арқылы есептерді шешу, тиянақтау.
Көрнекілігі: Үлестірме қағаздар, асық, тақия.

Сабақтың барысы:
Ұйымдастыру кезеңі.
Үй тапсырмасын тексеру. 177бет, №7 амалдарды орында.
Жаңа сабақ кезеңі.
- Балалар, бүгінгі сабағымызда екі таңбалы санға көбейту және бөлуге арналған есептер шығарамыз. Сабақта біз түрлі ойындарды ойнай отырып, математикалық білімімізді көрсетеміз.
Психологиялық дайындық.
«Бәйге» ойыны. Бөлуді орында және оны тексер:
604х45=
3002х32=
640х52=
68 102: 34=
17710: 35=
39420: 54=

«Хан талапай» ойыны. Теңдеуді шешу.
Талапай-ау, талапай,
Табылды ойын алақай!
Бүк асықпен бүкті
Шік асықпен шікті
Алшыменен алшыны
Тәйкеменен тәйкені
Асықты алға шашамыз,
Талапайға басамыз.
Х: 30 = 80
40 х Х = 1200
360: Х = 30

Мазмұнды есеп. Оқулықпен жұмыс 179 бет №5
Ерзат бағасы бірдей 5 кітап, ал Азат 3 кітап сатып алды. Ерзат Азаттан 180 теңге артық төледі. Бір кітап қанша тұрады? Олардың әрқайсысы қанша ақша төледі?
№6 Үнемді пішудің нәтижесінде әрбір шапаннан 10 см, ал әрбір қамзолдан 12 см мата үнемделді. 96 шапан және 96 қамзол пішу кезінде қанша мата үнемделді? Егер бір бала пальтосына 2м мата жұмсалса, онда үнемделген матадан неше балалар пальтосын тігуге болар еді?
Сергіту сәті.

Математикалық диктант.
а) 9000-ды 18 есе кемітіп, шыққан нәтижені 9 есе арттыр.
ә) 86 мен 82-нің көбейтіндісін 1025-ке кеміт.
б) 3025 және 986 сандарының қосындысын 7 есе кеміт.
в) 1800 бен 30 сандарының көбейтіндісін 27 есе кеміт.

Карточкамен жұмыс. Қалдықпен бөлуді орында:
68 109: 34
17 729: 35
39 473: 54

Сабақты қорытындылау. «Тақия» ойыны
- Сонымен, балалар, бүгін қандай есептер шығардық?
- Қандай ойындар ойналды?

Оқушылардың білімін бағалау.
Үйге тапсырма: 179-бет. №8