InfoHub Logo

Енді жұмыс берушілер азаматтық-құқықтық келісімшарттарды (АҚК) еңбек қатынастарын жасыру үшін пайдалана алмайды. Парламент Сенаты Еңбек кодексіне енгізілген түзетулерді қабылдады. Бұл жаңалық жұмыскерлердің құқықтарын қорғап, әлеуметтік міндеттемелерден жалтарғысы келетін жұмыс берушілерге бұдан былай оңай болмайтынын білдіреді.

Бұл туралы Infohub.kz ақпарат агенттігі хабарлайды.

Енді АҚК-ны еңбек шарты ретінде қолдануға тыйым салынады. Егер қызметкер іс жүзінде жұмыс берушімен еңбек қатынастарында болса, онда АҚК заңсыз болып саналады. Заң жобасында АҚК-ны қолданудың бұзушылық болып табылатын нақты белгілері де көрсетілген:

Жұмыскерлердің құқықтарын қорғау

Еңбек құқығы саласындағы сарапшылар бұл түзетулердің ең алдымен жұмыскерлерді қорғауға бағытталғанын атап өтеді. Көбінесе қызметкерлер кеңседе белгіленген уақытта жұмыс істеп, жалақы алғанымен, жұмыс берушінің әлеуметтік міндеттемелерінен тыс қалады. Бұл әсіресе жүктілік және босану бойынша немесе бала үш жасқа толғанша демалысқа шығатын әйелдер үшін қосымша төлемдер мен жеңілдіктерден айырылуына әкеп соқты.

Салық сарапшыларының айтуынша, АҚК бойынша жұмыс істеген кезде жұмыс беруші еңбек шартымен салыстырғанда салық пен аударымдарды аз төлейді. Заң шығарушының бұл әрекеті АҚК бойынша жұмыс істеуге мәжбүр болған қызметкерлердің құқықтарына кепілдік беруді көздейді.

Әлеуметтік қорғаудың күшеюі

Жаңа түзетулерде жұмыс берушінің бастамасымен жұмыстан шығаруға тыйым салатын тармақтар да қарастырылған. Бұл 14 жасқа дейінгі балалары бар жалғызбасты ата-аналарға қатысты болады. Бұл шара әлеуметтік жағынан осал топтағы жұмыскерлерді қорғауды күшейтеді. Сондай-ақ, жазатайым оқиғалар кезінде жұмыскердің кінәсінің дәрежесі 25%-дан аспайтыны туралы норма бекітілді.