InfoHub Logo

Танымал ММА файтері Еркебұлан Тоқтар жол ережесін бұзғаны үшін айыппұл арқалап, бұл жағдайға қатысты ашуын жасырмады. Оның айтуынша, видеоны желі қолданушысы полицияға жіберіп, әдейі жариялаған.

Бұл туралы Infohub.kz ақпарат агенттігі хабарлайды.

Оқиғаның мән-жайы

Оқиға Астана қаласында, Қабанбай батыр даңғылында болған. Спортшы автобус жолағына байқамай кіріп кеткенін мойындады. Алайда, оның айтуынша, видеоны түсіріп, оны қырқып-бұрмалап жариялағандар әділетсіздік танытқан.

Файтердің наразылығы

Еркебұлан Тоқтар бұл әрекетті «сасыған тірлік» деп атап, хейтерлерінің бірінің ісі екенін меңзеді. «Айыппұлды даусыз төлеймін, бірақ мәселе сендердің сасығандарыңда болып тұр. Олай мен де жасай аламын, бірақ ұятым жібермейді», - деді ол.

Спортшы әділетсіздікке жол бермейтінін және мұндай әрекеттерді қолдамайтынын жеткізді.