tengrinews.kz
Иран Түркияға баллистикалық зымыран ұшыру айыптауларына жауап берді
Иран Түркияға баллистикалық зымыран ұшыру туралы айыптарды жоққа шығарды. Тегеран бұл әрекеттің артында АҚШ пен Израиль тұр деп мәлімдеп, екі ел арасындағы қарым-қатынасты бұзуға тырысқанын айтты.
Бұл туралы Infohub.kz ақпарат агенттігі хабарлайды.
Иранның «Хатам әл-Анбия» орталық штабының ресми өкілінің айтуынша, Иран қарулы күштері «дос әрі көрші» Түркияға қарай зымыран ұшырмаған. «АҚШ пен сионистік режим басшыларының бұрынғы әрекеттерін ескере отырып, бұл әрекетті АҚШ пен сионистік режимнің екі ел арасындағы қарым-қатынасты бұзу мақсатында жасалғаны анық көрінеді. Бұл тергеуді талап етеді», - делінген Иран мемлекеттік телеарнасы таратқан мәлімдемеде.
Бұған дейін Түркия қорғаныс министрлігі 13 наурызда ел аумағында Ираннан ұшырылған баллистикалық зымыранды атып түсіргенін хабарлаған болатын. Түркиялық Savunma sanayi басылымы зымыранның Инджирлік әуе базасын нысанаға алғанын атап өтті. Зымыранды НАТО күштері жойған.
Осы оқиғаға байланысты Түркия Сыртқы істер министрлігі Иран елшісін шақырып, түсініктеме талап етті. Бұған дейін Түркия қорғаныс министрлігі 4 және 9 наурызда Ираннан ұшырылған деген екі баллистикалық зымыранның атып түсірілгенін хабарлаған.
-
Узнайте об истории и значении праздника Көрісу, который отмечается 14 марта и знаменует начало Наурыз мейрамы.
-
Iran has refuted claims of launching a ballistic missile towards Turkey, suggesting a deliberate attempt by the US and Israel to sow discord between the two nations.
