tengrinews.kz
Израиль Иранға "алдын ала шабуыл" жасады: Тегеранда жарылыстар естілді
Израиль қорғаныс армиясы (ЦАХАЛ) Иранға "алдын ала шабуыл" жасағанын мәлімдеді. Бұл туралы сенбі, 28 ақпанда Израиль қорғаныс министрі Исраэль Кац хабарлады.
Бұл туралы Infohub.kz ақпарат агенттігі хабарлайды.
Министр еврей мемлекетінің бүкіл аумағында ерекше және жедел төтенше жағдай жарияланғанын айтты. Оның айтуынша, шабуылдың мақсаты – еврей мемлекетіне төнген қауіптерді жою.
Тегерандағы жағдай
Иран ақпарат агенттіктерінің хабарлауынша, Израильдің зымырандары Тегерандағы Данешгах даңғылы мен Джомхури ауданына тиген. Социал желілерде жарылыс болған жерден түтін көтеріліп жатқаны туралы видеолар тарауда. Иран астанасында кем дегенде бес жарылыс болғаны айтылуда.
Израильдегі жағдай
Сенбі күні таңнан бастап Израильде білім беру шаралары, жиындар мен кеңселерде жұмыс істеуге тыйым салынды. Израиль азаматтарына бомба паналайтын орындарға жақын жүру қажеттігі туралы ескертілді. Әскерилер жүргізушілерге мүмкіндігінше сапарлардан аулақ болуға кеңес берді. ЦАХАЛ бұл шаралардың мақсаты – Израиль аумағына зымыран шабуылдарының ықтималдығына халықты дайындау екенін атап өтті.
-
Щучинскідегі кафеде болған жарылыстан кейін зардап шеккендер мен қаза тапқандардың отбасыларына көрсетілетін көмек шаралары туралы толық ақпарат.
-
Israel's military confirms a preemptive strike on Iran, with multiple explosions heard in Tehran and heightened security measures implemented across Israel.
