Желтоқсан оқиғасына байланысты құжаттық жинақ жарық көрді
Алматыдағы ҚР Ұлттық кітапханасында «Желтоқсан. Декабрь. 1986. Документальная хроника» атты ғылыми еңбектің таныстырылымы өтті.
Кітап Желтоқсан оқиғасының 35 жылдығына арналды. Желтоқсан оқиғасының қатпарлы сырларын паш ететін еңбекті құрастырып, оқырман қауымға ұсынған — ҚР Парламенті Мәжілісінің депутаты, тарих ғылымдарының кандидаты Берік Әбдіғалиұлы.
Аталмыш шараға тарихшы ғалымдар, желтоқсаншылар, зерттеуші жастар қатысты. Тәуелсіздіктің тұғыры болған Желтоқсан оқиғасына байланысты құжаттық жинақты зиялы қауым өкілдері жылы қабылдап, ұлт рухының оянуына қосылған еселі еңбек деп бағалады.
1986 жылғы Желтоқсан оқиғасына байланысты құжаттық материалдар топтастырылған жинақ 3 бөлімге бөлініп, хроникалық ретпен берілген.
Бірінші бөлімде 1986 жылғы желтоқсан айындағы партия, мемлекет және құқық қорғау органдарының ресми құжаттары топтастырылса, екінші бөлімде 1986 жылғы Желтоқсан оқиғасының себептері мен жағдайы жайындағы ҚазКСР Жоғарғы Кеңесі Президиум Комиссиясының зерттеу материалдары берілген.
Ал үшінші бөлімде ҚР Конституциялық Соты (1992-1994) қарастырған құжаттық материалдар тізбегі жинақталған.
You Might Also Like
-
1. Ақ түс — барлық түстермен үйлестіруге болады. Ең үздік түстер үйлесімі, ол көк, қызыл, қара.
-
Бұл мақалада көрме қызметі арқылы оқушылардың эстетикалық мәдениетін дамыту мәселесі қарастырылады. Эстетикалық ұстанымның қалыптасуы адамның өзін-өзі растауының нақты механизмі ретінде негізделген...
