InfoHub Logo

Қазақстандық журналистика әлемі тағы бір талантты қаламгерінен айырылды. Дәулет Ізтілеу мезгілсіз өмірден озды. Бұл қайғылы хабарды Мәдениет және ақпарат министрлігі растады.

Бұл туралы Infohub.kz ақпарат агенттігі хабарлайды.

Министрлік марқұмның туған-туыстарына, жақындарына және әріптестеріне көңіл айтты. Ресми мәлімдемеде оның журналистикадағы орны мен еңбегі ерекше аталып өтті. Дәулет Ізтілеу кәсіби мәдениеті жоғары, өз ісіне адал маман ретінде сипатталды.

Дәулет Ізтілеудің еңбек жолы

Дәулет Ізтілеу әр жылдары «Қазконтент» АҚ құрамындағы e-history порталында тілші болып еңбек етті. Кейін «Елорда инфо» ақпарат агенттігінде қызмет атқарды. 2018 жылдан бастап халықаралық Kazinform ақпарат агенттігіне ауысып, қоғамдық маңызы бар тақырыптарды талдап, ақпараттық кеңістікте өз қолтаңбасын қалдырды.

Министрлік оның есімі әріптестері мен замандастарының жадында сақталатынын жеткізді. Хабарлама соңында: «Марқұмның жаны жәннатта болсын, иманы саламат болсын, топырағы торқа болсын», – деген ізгі тілек қоса берілді.