InfoHub Logo

Алматы облысты
№15 мектеп - интернатының
бастауыш сынып мұғалімі
Турдалиева Рысгүл Бақытнұрқызы

Сабақтың тақырыбы: Жұрнақ пен жалғау 297 - 301 жаттығулар.
Сабақтың мақсаты:
Сөз құрамымен таныстыру. Түбір мен қосымшаның бір - бірінен айырмашылығын аңғарту. Қосымшаның түрлері жалғау және жұрнақ. Олардың өзіндік белгілері.
Оқушылардың ойлау қабілетін, сөздік қорын дамыту, сөйлеу, әңгімелеу дағдысын жетілдіре отырып, мәнерлеп сөйлеуге, әдемі жазуға, өз бетінше жұмыс орындауға дағдыландыру.
Ұжымда өзін - өзі ізгілікке тәрбиелеуге дағдыландыру. Зеректікке, ұқыптылыққа, адалдыққа баулу. Көркем жазу арқылы әсемдікке тәрбиелеу.

Сабақтың типі: Оқушылардың жаңа білімді меңгеру сабағы.
Әдіс - тәсілдері: СТО технологиясының тәсілдері, түсіндіру, сұрақ - жауап, көрнекілік көрсету арқылы түсіндіру, жарыс, ойын.
Көрнекілік: Сөйлем, суреттер, қима қағаздар

Сабақтың барысы:
Ұйымдастыру кезеңі:
а) Сәлемдесу, оқушыларды түгендеу, психологиялық дайындық.
ә) Сабаққа әзірлігін тексеру, оқу құралдарын дайындау.
Үй тапсырмасымен жұмыс: 296 - жаттығу. Ребусты шешіп, шешуіндегі сөзге әңгіме құрау. Ребустың шешуі: Татулық
Білімді жан - жақты тексеру кезеңі.

Жаңа сабақ.
Оқушыларды сабақтың тақырыбы мен мақсатын таныстыру.
1. жұрнақ пен жалғауды бір - бірінен айыра алу;
2. Жұрнақ пен жалғау жалғанған сөзді қатыстырып сөйлем құрау.

Дәптермен жұмыс. Көркем жазу сәті

Оқулықтар сөзін бір жолға жазғызып, түбірі мен қосымшасын айыру. (Қаламсапты дұрыс ұстау мен дұрыс отыру ескертіледі).

297 - жаттығу.
1. Мысалды оқы.
2. Қарамен берілген сөздердің жалғауларын тап.
3. Осы сөздерді жалғаусыз айтып көр.
4. Ұлуды сипаттап бер.

298 - жаттығумен жұмыс.
1. Көп нүктенің орнына - дан, - тің, - ты, - лар, - тан, - ның жалғауларының тиістісін қойып көшіріп жаз.
2. Жалғау не үшін керек?
3. Кітап туралы мақалдар.

Сергіту сәті.
299 – жаттығу орындалады.
Мал, біл, жаңа, ұш
- Мүсіншілер, сауыншының, сауыншыға, сазгермен, етікшіден, жаңалықты, білімдіге, ұшқыштар.

Ереже: Түбір сөзге жұрнақ та, жалғау да жалғана береді. Жұрнақ бұрын, жалғау жұрнақтан соң жалғанады:
Пысықтау мақсатында 300 - жаттығуды өзіндік жұмыс ретінде орындау.

Сыныппен жұмыс.
Түбір+жұрнақ+жалғау сызбасына сәйкес мысалдар жазу.
- шы, - ші, - лық, - лік қосымшаларын қосу арқылы жаңа сөз жаса. Бұл қандай қосымшалар?
- ды, - ді, - ны, - ні қосымшаларын қосу арқылы сөздер жаз. Бұл қандай қосымшалар?

Сабақты қорыту: Біз не білдік? Талқылау.
Үйге тапсырма: 301 - жаттығу. «Медеу мұз айдынында» тақырыбына әңгіме құрау және ереже жаттау

Оқушы білімі мен белсенділігін бағалау