InfoHub Logo

Күзгі өсімдіктер (1 сынып)
Жалпы мақсаты: Күздегі өсімдіктер тіршілігінде болатын өзгерістер туралы оқушылардың түсінігін қалыптастыруға жағдай жасау
Міндеттер: Қоршаған дүниедегі құбылыстар мен заттардың маңызын түсіндіру оқушылардың тірі табиғат пен өлі табиғат арасындағы байланысты түсіну мүмкіндіктерін дамыту.
Сабақта туындаған негізгі идеялар Табиғат пен адам тығыз байланыста, экологиялық зерттеу жүргізе отырып шығармашылықпен жұмыс жасауға дағдыландыру.
Сабақта туындаған негізгі идеялар
Күтілетін нәтиже
Күздегі өсімдіктер тіршілігінде болатын өзгерістер туралы оқушылардың түсінігін қалыптасты.
Қоршаған дүниедегі құбылыстар мен заттардың маңызын түсінді, оқушылардың тірі табиғат пен өлі табиғат арасындағы байланыс жайлы ақпарат алды.
- оқушыларды ой қозғау арқылы тақырыпқа әкелу
- тақырып жайлы бұрынғы білетіндерін анықтау, соған сүйену жолдарын табу

І. Қызығушылығын ояту
Суреттерді салыстыр.
Күз мезгілі қай суретте бейнеленген?
Күз белгілерін ата.
Жаз бен күздің табиғатын салыстыр.
Күзгі табиғатты бақыла. (5 минут)

Мағынаны ажырату сатысы (жаңа ақпарат)
- оқушыларды белсене қатыстыру
- стратегияларды жүйелі қолдану арқылы оқушылардың жұмысын ұйымдастыру (сауал қоя білу, талдау жасай білу, баяндау және қызу ой талқысын жасай білу қабілеттерін жетілдіру жолдарын беру)
- оқушылармен бірлесіп жұмыс жасау, қарым - қатынас шеберлігін ұтымды пайдалана білу
- оқулықтан басқа ақпараттар көзін ашу
Толғаныс (рефлексия)
- сабақта үйренгендерін бекіту, қолдану жолдарын беру
- жаңадан үйренгенін пайдалана отырып, білімін жүйелеу
жауап шешімі осыған байланысты жұмыстар беру арқылы түсінік деңгейін тексеру

Жаңа тақырыпты енгіздім. (15 минут)
Оқушылардың күзгі өсімдіктер көрінісін байқауы. Жапырақтың түсін анықтауы.
1. Күзде өсімдіктер тіршілігінде болған өзгеріс, жапырақтардың сарғаюы, олардың түсуі, өсімдіктердің қурай бастауы жайында әңгімелесу. Жапырақтарына, сыртқы көрінісіне қарап өсімдіктерді анықтау (ағаш, бұта, шөп). Танитын өсімдіктерінің атын атау.
2. Көзге түскен жануарлар туралы әңгімелесу. Өсімдіктердің жапырақтарын жинау.
3. Сурет бойынша әңгіме құрастыр. Суретке ат қой.
Суреттерін ватманға салып қорғайды.

4. Сергіту сәті.
Ормандағы аюдың,
Құлпынайы көп екен.
Теріп - теріп аламыз,
Қалтамызға саламыз. (2 минут)

ІІІ. Ой қорытынды (6 минут)
1. Күзде жапырақты өсімдіктерде қандай өзгерістер басталады?
2. Жапырақ түсу қай кезде басталады?
3. Өсімдіктерде қандай өзгерістер болады?
4. Күзгі жапырақтарды жина.
5. Бұл мезгілді неге “Алтын күз” деп атайды?

Түсті алтын жапырақ,
Ағаштан үзіліп.
Ұшты ұзақ сапарға,
Тырналар тізіліп.

Ақмола облысы, Астрахан ауданы,
Жалтыр №4 орта мектебі
Мектепалды даярлық тобының мұғалімі
Боранбаева Акбокен Социаловна