Мамин: Білім мекемелерінде санитария нормаларының сақталуын ерекше бақылауда ұстау керек
Білім беру ұйымдарында санитариялық нормалардың сақталуын ерекше бақылауда ұстау қажет. Бұл туралы Үкімет отырысында ҚР Премьер-Министрі Асқар Мамин айтты.
«Күн өткен сайын көп өңірлер «қызыл» аймақтан шығып жатыр. Қазірдің өзінде «сары» аймақта 5 өңір, атап айтқанда, Шығыс Қазақстан, Солтүстік Қазақстан, Батыс Қазақстан Жамбыл және Қызылорда облыстары тұр. Сонымен қатар, Түркістан облысы «жасыл« аймақта. Қазіргі басты міндетіміз — қызыл аймақтағы өңірлерде вирус жұқтыру деңгейінің орнықты төмендеуіне қол жеткізу», — деді Асқар Мамин.
Үкімет басшысы ол үшін эпидемиологиялық жағдайды ұдайы бақылауда ұстау қажеттігін, әсіресе Алматы, Нұр-Сұлтан, Шымкент қалаларында, Қарағанды, Павлодар, Ақмола облыстарында жұмысты күшейту керектігін баса айтты.
«Жаңа оқу жылының басталғанын ескерсек, білім беру ұйымдарында санитариялық нормалардың сақталуын ерекше бақылауда ұстаңыздар», — деді Премьер-Министр.
You Might Also Like
-
Ұстаз деген ұлы сөз ұлағатты, Ол болмаса, кім береді парасатты. Асылын беріп шәкірт бойларына, Ағартқан сол үшін де қара шашты. Ұстазға әркім басын ию керек, Кемеңгер, ақылшым деп білу...
-
1. Есі ауысқандар мен ақымақтарға жол бер. 2. Әйел қаласа — жартасты жарып өтеді. 3. Кеткісі келгенге жармаспа, есік қаққанды қума. 4. Тез деген — баяу қимылдау, бірақ үзіліссіз. 5....
