InfoHub Logo

Қазақтың белгілі ақыны, Мемлекеттік сыйлықтың иегері Марфуға Айтқожина жақында берген сұхбатында елдің бұрынғы басшысы Нұрсұлтан Назарбаевқа қатысты естеліктерімен бөлісті. Ақын сол кездері Назарбаевты асқақтата жырлаған әріптестері туралы айтты.

Бұл туралы Infohub.kz ақпарат агенттігі хабарлайды.

Назарбаевты мадақтаған ақындар

Марфуға Айтқожинаның айтуынша, сол уақытта кейбір шығармашылық иелері Назарбаевқа ерекше құрмет көрсетіп, оны мадақтайтын өлеңдер жазған. Ақын тіпті кейбіреулерінің «Сіз біздің аспандағы күнімізсіз» деп айтқанын да еске алды.

«Назарбаевқа «Сіз біздің аспандағы күнімізсіз» деп айтқан қыздар да болды. Олардың атын атап қажеті жоқ», – деді ақын сұхбатында.

Айтқожина бұл әрекеттерді сол кездегі жағдаймен байланыстырып, өзінің бұл пікірін ашық айтудан тартынбады. Ол өзінің ақындық жолында әрқашан шындықты айтуға тырысқанын жеткізді.