Мемлекет басшысы: Ғылыми зерттеулер қазіргі заман талабына сай болуы маңызды
Елбасы Нұрсұлтан Назарбаев Ұлттық ғылым академиясының президенті Мұрат Жұрыновты қабылдады.
Бұл туралы Ақорданың баспасөз қызметінен хабарлады.
Кездесуде Мемлекет басшысы ғылыми зерттеулердің қазіргі заман талабына сай болуының маңыздылығын атап өтті.
Сондай-ақ, Қазақстан Президенті ғылымды басқаруды орталықсыздандыру ісінің өзектілігіне және ғылыми зерттеу жұмысын жекелеген университеттерде дамыту қажеттілігіне назар аударды.
«Ғылыми әзірлемелерді өндіріске енгізудің маңызы зор, - деді Нұрсұлтан Назарбаев.
М.Жұрынов бірлестіктің халықаралық деңгейдегі беделінің артуына батыстық даму үлгісі септігін тигізгенін айтты.
«Біздің академия - барлық беделді ғылыми бірлестіктердің мүшесі», - деді Ұлттық ғылым академиясының президенті.
Соңында Мемлекет басшысы ғылымның ел дамуындағы елеулі рөліне тоқталып, атқарып жатқан қызметтері үшін академия ғалымдарына алғыс білдірді.
You Might Also Like
-
Қазақстанда мектеп оқушыларынан ақша жинаған мұғалімдер қатаң жазаға ұшырайды. Тіпті жұмыстан қуылуы мүмкін. Бұл туралы бүгін ҚР Білім және ғылым вице-министрі Эльмира Суханбердиева мәлім етті.
-
Украина поштасы «Достық маркасы» халықаралық суреттер байқауының жеңімпаздарының жұмыстарымен көркем пошта маркаларын шығарды, оның ішінде павлодарлық жас суретшілердің суреттері де бар...
