InfoHub Logo

Сабақтың тақырыбы: Microsoft Word кесте құру. Кестелерді пішімдеу.
Сабақтың мақсаты: Оқушыларды кесте жасауға, ұяшықтарды қосуға, алып тастауға және біріктіруге үйрету. Оқушыларға кестелерді қоршауды үйрету.
Дамытушылық мақсаты: Оқушылардың логикалық ойлау қабілетін, танымдық қызығушылығын, жадысы мен қабылдауы танымдық қасиеттерін дамыту.
Тәрбиелік мақсаты: Компьютерде жұмыс істеу кезінде техника қауіпсіздігі ережесін сақтай білуге үйрету;
Информатика пәніне деген оң көзқарас пен қызығушылықты тәрбиелеу.
Бағдарламалық - дидактикалық қамтылуы: Оқу есептеуіш техника кешені, оқулық, интерактивті тақта, карта сұрақтары
Сабақтың түрі: Практикум элементтері бар түсіндірмелі - көрнекілікті.

Сабақтың барысы:
1. Ұйымдастыру кезеңі
2. Үй тапсырмасын сұрау
3. Жаңа тақырып түсіндіру
4. Сабақты қортындылау
5. Үйге тапсырма

Сабақтың қысқаша мазмұны:
1. Ұйымдастыру кезеңі – сабақ бойы сыныпты ұйымдастыру, оқушылардың сабаққа даярлығы, тәртібі. Оқушылармен амандасып, кезекшінің көмегімен оқушыларды түгендеп, сабағымды жаңа тақырып түсіндірумен бастаймын.
2. Жаңа тақырыпты слайд арқылы түсіндіру. бүгінгі күн және тақырып экранда көрсетіліп тұрады. Компьютерде Microsoft Word мәтіндік процессорында кесте құру тәсілдерін көрсете отырып сабақты түсіндіремін. Оқушылар көрсетілген командалар бойынша бірге кесте құрады.

Мәтіндік редакторды іске қосамыз. Кесте – бұл жолдар мен бағандарда реттеліп берілген ақпарат. Кесте жолдар мен бағандардың қандай да санынан тұруы мүмкін. Жолдар мен бағандар қиылысып ұяшық құрайды.
Word мәтіндік процессорында кестелерді екі түрлі әдіспен: меню жолындағы Таблица командасының көмегімен және аспаптар панеліндегі Вставить таблицу батырмасын пайдаланып құруға болады. Меню жолынан Таблица  Вставить  Таблица командасын орындасақ экранда Вставка таблицы диалогтік терезесі шығады.