InfoHub Logo

Халық қуанышты да, қайғыны да дастархан басында бөліскен. Өсиет айту, бата беру, достасу бәрі де дастархан басында шешілген. Сондықтан да халқымыз дастарханды «Құтхананың берекесі» деп қасиет тұтады.
Барлығы төрде орналасқан дөңгелек үстелдегі ақ дастархан басына дөңгелене отырады.

Тақырыбы: Нан - байлықтың атасы.
Мақсаты:
1. Оқушыларға нан, дән туралы мағлұмат беру. Нанның үлкен еңбекпен келетіндігін түсіндіру. Оқушының сөздік қорын молайту.
2. Топтық жұмыс арқылы нан туралы тақырыпты ашу, танымдық қабілетін арттыру.
3. Нанды қастерлеуге, құрметтеуге тәрбиелеу.
Әдісі: топтық жұмыс, сахналық көрініс, талдау, әңгімелеу, ойын.
Пәнаралық байланыс: ана тілі, музыка, дүниетану, қазақ тілі.
Көрнекілігі: Тақырыбы, нан өнімдерінен жасалған көрме, нақыл сөздер, топтарға арналған тапсырмалар, шарлар.

Барысы: I. Ұйымдастыру кезеңі. Қонақтармен амандасу.
Ақ көңілді жүрекпен
Ақ ниетті тілекпен
Амандасып алайық
Қонақтарға ізетпен!
Психологиялық дайындық. «Шаттық шеңбері».
«Ақ тілек. Әсем күлкі».
- Көңіл – күйлеріңіз қалай?
- Керемет! (Қолдарын көтереді)
- Сабаққа дайындықтарыңыз қалай?
- Тамаша! ( Алақандарын шапалақтайды)
- Ынтаңыз ше?
- Ғажап! (Қолдарын көтереді).
- Ендеше бастайық!
Жұмбақ шешу.
Алға жайып тұз дәмін
Келтіреді үй сәнін
Ол халқымның ақ жаны
Жақсы дәстүр маржаны
Кең пейілде арайлы
Осы жерден тарайды.
Шешуі: дастархан