InfoHub Logo

Қаңтардың алғашқы күндерінде «Қазақтелеком» қызметін пайдаланушылар интернеттің баяу жұмыс істеуіне шағымданды. Бұл жағдай абоненттер арасында төлемді қайта есептеу мүмкіндігі туралы сұрақ туғызды.

Бұл туралы Infohub.kz ақпарат агенттігі хабарлайды.

«Қазақтелеком» не дейді?

Компания өкілдері интернеттің баяулауына сыртқы интернет-ресурстар мен халықаралық байланыс операторларының жұмысы себеп болғанын айтты. «Қазақтелеком» өз тарапынан ақауларды анықтамағанын мәлімдеді.

Төлемді қайта есептеу мүмкін бе?

«Қазақтелеком» өкілдері, егер компания тарапынан ақаулар анықталса, төлемді автоматты түрде қайта есептейтінін айтты. Алайда, осы кезеңде мұндай негіздер тіркелмеген.

Тұтынушылардың құқықтары

Бұған дейін тұтынушылар құқығын қорғау комитеті кейбір тұрғындардың сот арқылы мобильді оператордан өтемақы алғанын хабарлаған болатын.