InfoHub Logo

Енді борышкерлерге атқарушы жазбаның көшірмесі электронды үкімет порталы және SMS арқылы жіберіледі. Бұл туралы Infohub.kz ақпарат агенттігі хабарлайды.

Бұл туралы Мәжіліс депутаттары нотариат қызметі мәселелері бойынша түзетулерге енгізілген жаңа норманы мақұлдады. Бұған дейін көптеген азаматтар банк шоттары бұғатталғаннан кейін ғана атқарушы жазбаның бар екенін біліп жататын.

Жаңа норманың мақсаты

Бұл жаңалық борышкерлерді олардың банк шоттары бұғатталмай тұрып, тиісті түрде хабардар етуді қамтамасыз етеді. Бұл қадам атқарушылық іс жүргізудегі ашықтықты арттыруға және азаматтардың құқықтарын қорғауға бағытталған.

Іске асыру тетіктері

Депутат Нұрсұлтан Байтелесов түсіндіргендей, енді борышкерге атқарушы жазбаның көшірмесі «электронды үкімет» порталы арқылы және SMS хабарламамен жеткізіледі. Бұл хабарламаның жеткізілгенін растайтын болады.

Қазіргі уақытта пилоттық жоба аясында SMS хабарламаларды автоматты түрде жіберу жұмыстары жүзеге асырылуда.