InfoHub Logo

Білім беру саласы: Қатынас. Әлеуметтік орта.
Білім көздері: Қоршаған ортамен таныстыру.
Тақырыбы: Қазақстан Республикасының рәміздері.
Мақсаты: Қазақстан Республикасының рәміздерімен таныстыру. Рәміздерді танып, біліп, айтып беруге үйрету. Қазақстан Республикасының рәміздеріне құрметпен қарауға тәрбиелеу.
Көрнекіліктері: Қазақстан Республикасының рәміздерінің суреті, слайд.
Әдіс - тәсілдері: сөздік, көрнекілік, ойын.

Сабақтың жүру барысы:
Балалар шаттық шеңберін құрып, өлең жолдарын айтады.
Бір шаңырақ астында,
Тату тәтті тұрамыз.
Бірге ішеміз асты да,
Бірге сайран құрамыз.
Сұрақтарға жауап алу.
- Қазір жылдың қай мезгілі?
- Көктем мезгілі неше айдан тұрады?
- Көктемде қандай өзгерістерді байқайсыңдар? т. б.
Кіріспе әңгіме
- Балалар, біздің Республикамыз қалай аталады?
- Бас - қаламыз қай қала?
- Біздің елбасымыз Қазақстан Республикасының президенті Нұрсұлтан Әбішұлы Назарбаев. Нұрсұлтан Назарбаев - өзі еңбекқор, білімді, іздемпаз. Ол өзінің осындай еңбекқорлығының арқасында мемлекетіміздің басшысы болып отыр.
Қазақстан Республикасының Әнұранының әнін жазған Шәмші Қалдаяқов, сөзін жазғандар - Жұмекен Нәжімеденов, Нұрсұлтан Назарбаев. Біз әнді орындаған кезде қолымызды жүректің тұсына қоямыз. Өйткені біз мемлекетімізді жүрегімізбен жақсы көреміз.

Тудың түсі - көк, тудың сол жақ жиегі қазақ халқының оюымен өрнектелген. Тудың ортасында сары түсті шұғылалы алтын күн. Алтын түспен сары түс байлықты, молшылықты білдіреді. Күннің астында бүркіт, қыран құс - еркіндік, бірліктің белгісі.

Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «Қазақстан» деген жазу бар.

Бәйтерек 2002 жылы Астана қаласында ашылды. Бәйтерек Астанадағыең биік ғимарат. Бәйтеректің жоғарғы жағында алтын түстес шар орналасқан.
- Балалар, рәміздер, қалалар туралы қандай тақпақ, мақалдар білесіңдер?

Гауһар: Айнымайды аспаннан,
Біздің тудың бояуы.
Оны халық қашанда,
Биікке іліп қояды.

Айару: Елтаңбасы елімнің,
Неткен әйбат, әдемі,
Тұнығындай көңілдің,
Ортада - аспан әлемі.

Атырау облысы, Жылыой ауданы,
Құлсары қаласы, № 19 жалпы орта білім беретін мектептің
шағын орталық тәрбиешісі Сүндетова Күнзира Рахымқызы

Қазақстан Республикасының рәміздері. жүктеу