InfoHub Logo

Қазақстанда жылжымайтын мүлікке қатысты құжаттарда маңызды өзгерістер болды. Бұған дейін кеңінен қолданылған "техникалық паспорт" ұғымы заңнамадан алынып тасталып, оның орнына "жылжымайтын мүлік объектісінің кадастрлық паспорты" термині қолданысқа енгізілді. Бұл өзгерістер мемлекеттік қызметтерді цифрландыру аясында жасалған.

Бұл туралы Infohub.kz ақпарат агенттігі хабарлайды.

Не өзгерді?

Бұған дейін әлеуметтік желілерде және кейбір БАҚ-та жылжымайтын мүлік иелерінің техникалық паспорттарын міндетті түрде жаңартуы керек деген ақпарат тараған болатын. Алайда, Әділет министрлігінің Азаматтық хал актілерін тіркеу комитеті мен жылжымайтын мүлікке құқықтарды тіркеу және олармен жасалатын мәмілелерді мемлекеттік тіркеуді ұйымдастыру комитетінің хабарлауынша, бұл ақпарат шындыққа жанаспайды.

Министрлік мәліметі бойынша, "техникалық паспорт" деген ұғым заңнамада бұдан былай қолданылмайды. Оның орнына "жылжымайтын мүлік объектісінің кадастрлық паспорты" қолданылады. Бұл құжат жылжымайтын мүліктің техникалық және идентификациялық сипаттамаларымен қатар, жер учаскесі туралы мәліметтерді қамтиды.

Қашан кадастрлық паспорт рәсімдеу қажет?

Кадастрлық паспортты келесі жағдайларда рәсімдеу қажет болады:

Сонымен қатар, меншік иесі ауысқан жағдайда кадастрлық паспортты қайта рәсімдеудің қажеті жоқ. Себебі құжат жылжымайтын мүліктің техникалық және идентификациялық сипаттамаларын қамтитындықтан, заңды күшін сақтайды.

Осылайша, барлық үй иелері құжаттарын шұғыл түрде жаңартуы керек деген қауесетті ақпарат шындыққа сәйкес келмейді.