InfoHub Logo

Абай қаласы №1 жалпы білім беретін
орта мектебінде бастауыш сынып мұғалімі
Аманбек Дауренгул

Сабақтың тақырыбы: «Қызықты әріптер»
Сабақтың мақсаты:
• Өтілген әріптерді, дыбыстарды қайталау. Дауысты және дауыссыз дыбыстардың ерекшіліктерін еске түсіру, әріптер туралы түсініктерін кеңейту.
• Оқушылардың есте сақтау, ойлау қабілеттерін арттыру, тіл байлығын дамыту, логикалық ойындар, жаттығулар арқылы балалардың пәнге деген қызығушылығын қалыптастыру.
• Ұқыптылыққа, әдептілікке, ұжымшылдыққа, адамгершілікке баулу.
Әдіс - тәсілдер: қайталау, сұрақ - жауап, түсіндіру, әңгімелеу, топпен жұмыс, ойын - сауық, проблемалық, өздігімен оқу.
Көрнекіліктер: әріптер, суреттер, жазба қағаздар, үлестірмен материалдар.
Сабақтың барысы
Ұйымдастыру кезеңі.
Оқушыларды сабаққа даярлау. Сабақтың барысымен таныстыру. Керекті құрал – жабдықтарды дайындау.

І тапсырма.
«Қандай сөз жасырылғанын анықта»
Тапсырма: сан реті арқылы сызықтың қай әріпке баратынын анықтап, қандай сөз жасырынғанын анықтау.
Нұсқау көрсету.
1 з
2 к
3 ү
Тапсырмаларды тарату, орындауға 3 минут беру. Дұрыс орындағандарына қарай фигуралар тарату.

ІІ тапсырма.
Лабиринттер шешу.
Лабиринттерді тарату, өздері жеке - жеке орындау. Және бірін - бірі тексеру, бағалау.

ІІІ тапсырма.
«Қоянға үйіне жетуге көмектесу».
Тапсырма: Қоянға көмектесу үшін жолдағы әріптердің дауысты және дауыссыз, жуан және жіңішке екенін айту керек.
Балалар кезек - кезек тақтаға шығып қоянның жолындағы әріптерді атайды.

ІV тапсырма.
«Араларға бал жинауға көмектес».
Тапсырма: топқа бөлініп шашылған әріптерді дауысты және дауыссыз екенін ажыратып, өз қораптарына салу керек. Тапсырманы орындап біткен соң топтар бір - бірін тексереді. Қателерін түзетеді.

V тапсырма.
«Төлдерге көмек».
Тапсырма: сурет бойынша малдардың өз төлдерін тауып, сөзді буынға бөлу және неше әріптен тұратынын айту.

VІ тапсырма.
«Тез тап».
Тапсырма: дорбадағы әріптердің бірін таңдап алып, сол әріптер басталатын сөз айту және сол сөзді буынға бөлу.

VІІ тапсырма.
«Дұрыс тап».
Тапсырма: берілген екі суреттердегі айырмашылықтарды табу. Бір - бірін тексеру.

Топпен жұмыс.
Берілген суреттерді көрсетілген түстер бойынша бояю. Мысалы: сары с - әрпімен, жасыл ж - әрпімен белгіленген.

Қорытындылау.
Сұрақ - жауап.
1. Сабақта қандай тапсырмалар орындадық?
2. Қай тапсырма ұнады?
3. Сабақтан не үйрендің?
4. Қай тапсырманы орындаған қызықты болды?
5. Топпен жұмыс істеудің ерекшелігі қандай?

Жинаған фигураларын санау.
Марапаттау.