InfoHub Logo

Актер Олжас Адай Дариға Бадықовамен қарым-қатынасы және бірге демалуы туралы сұрақтарға ашық жауап берді. Ол Дариғаның өмірінде ерекше орын алатынын мойындап, оны «Құдайдың өзі жібергендей» деп атады.

Бұл туралы Infohub.kz ақпарат агенттігі хабарлайды.

«Құдай маған Дариғаны жібергендей болды»

Актердің айтуынша, өмірінде он жылдық үзіліс болған. Сол кезде ол өзін артист екенін ұмытып, алға жылжи алмай жүргенін сезінген. Міне, сол сәтте Дариға оның өміріне келген.

«Менің өмірімде он жылдық үзіліс болды. Алға жылжи алмадым, күш жетпеді. Тіпті кейде өзімді артист екенімді ұмытып кететінмін. Сол кезде Құдай маған Дариғаны жібергендей болды. Әрдайым айта бермеймін, бірақ ішімнен оған ризамын», — деді Олжас.

Мінездері ұқсас, бірақ бір-бірін толықтырады

Олжас Дариға екеуінің мінездерінің ұқсастығын да атап өтті. Екеуі де қызуқанды және лидерлік қасиеттерге ие.

«Екеуміз де қызуқанды, екеуміз де лидер. Кейде түске дейін жиырма рет ұрысамыз, кейде күні бойы сөйлеспейміз. Бірақ бізді ортақ шығармашылыққа деген үлкен қызығушылық табыстырады», — деді актер.

Соңғы екі жылда олар бір-бірін жақсырақ танып, өмірлік мақсаттарын нақтылаған.

Бірге демалу және жеке өмір

Жеке өмір туралы сұрақтарға актер ашық жауап бермесе де, олардың бірге демалғанын жоққа шығармады. Журналист Мальдив аралдарындағы демалыс туралы сұрағанда, Олжас күліп, олардың бірге демалғанын растады.

«Иә, әрине бірге демалдық. Біз төрт жылға жуық бірге жұмыс істеп келеміз, соңғы екі жылда үнемі біргеміз», — деді ол.

Алайда «ерлі-зайыптысыздар ма?» деген сұраққа нақты жауап бермей, «Жеке өмір туралы осы жерден тоқтайық. Кім көрді — өзі ойласын», — деп шектелді.

Олжас Адайдың айтуынша, олар жеке өмірін жарияламауға әдейі келісім жасасқан. «Қарым-қатынас бар ма, жоқ па — жарияламаймыз деп келістік. Егер бәрін ашық айтсақ, адамдардың қызығушылығы басылады», — деді актер.