Роза Бағланова
Роза Тәжібайқызы Бағланова (1922 - 2011) — халық сүйіспеншілігіне бөленген КСРО халық әртісі. 1922 жылы 1 қаңтарда Қызылорда облысының Қазалы қаласында дүниеге келген. Қызылорда педагогикалық институтында білім алған. 1941-1947 жылдары Өзбек филармониясы ән-би ансамблінде жұмыс істеп, Ұлы Отан соғысы жылдары ұрыс шебінде ән айтқан.
Розаның музыкаға деген құштарлығы балалық шағында пайда болған. Небары 4 жасында ата-анасымен қонаққа барған ол ән айтып, би билеп, көпшіліктің назарына түседі. Осы кеште болған қонақтар «бұл кішкене де сүйкімді қыз әншілік жолды таңдауы тиіс» деген ұйғарымға келген екен.
Әншінің жіңішке де нәзік сопраносы тыңдаушыларын таңдандырып, оның бай репертуары үнемі ең жоғары деңгейде орындалады. Роза Бағланова әлемнің көптеген халықтарының әндерімен танымал, сол себепті гастрольдерде көрермендердің махаббаты мен жылы ықыласына бөленуде. «Ах, Самара-городок» әні 1949 жылы Бухаресте өткен Бүкіл дүниежүзілік жастар мен студенттердің II фестивалінде лауреат атануына жол ашты.
You Might Also Like
-
Ағайынды Абдуллиндердің әншілік-шығармашылық өнері өткен ғасырдың 40-70 жылдары европалық үлгідегі сазгерлік шығармашылықтың шарықтау шыңына жетіп гүлденген кезіне тұспа-тұс келді. Ришат пен Мүслім...
-
Рысқұлов Тұрар (1894-1938) — қазақ халқының көрнекті перзенті, белгілі қоғам және мемлекет қайраткері. Бұрынғы Жетісу облысы, Верный уезінің Шығыс Талғар бекетінде туған. Әкесі Рысқұл Жылқыай...
