InfoHub Logo

Ақтөбеде кішкентай қызды алдап, әкетпек болған оқиға жұртшылықты елең етті. Белгісіз ер адам ойыншық сақина беремін деп алдап, баланың сеніміне кіріп, өзімен бірге алып кетпек болған.

Бұл туралы Infohub.kz ақпарат агенттігі хабарлайды.

Оқиғаның мән-жайы

Есет батыр ауданында болған оқиғада, ойын алаңында ойнап отырған кішкентай қызды ер адам жақындап келіп, «саған сақина беремін» деп алдауға тырысқан. Тіпті, қыздың сырғасы бар-жоғын да сұрапты. Алғашында қыз барудан бас тартқанымен, ер адам оны көндіруге тырысқан.

Бала құтылып кетті

Алайда, бала ептілік танытып, қолайлы сәтті пайдаланып, ер адамның қолынан шығып, жақын маңдағы дүкенге қашып кірген. Бұл оқиғаның барлығы бейнебақылау камераларына жазылып қалған.

Полиция жедел әрекет етті

Оқиға туралы дереу полицияға хабар берілген соң, құқық қорғау органдары жедел түрде әрекетке көшіп, күдікті ер адамды анықтап, бөлімшеге жеткізген. Қазіргі уақытта Ақтөбе қалалық полиция басқармасы бұл дерек бойынша жан-жақты тексеру жүргізіп, оқиғаның барлық мән-жайын анықтап жатыр. Тексеру нәтижесінде заң аясында тиісті шешім қабылданады.