InfoHub Logo

Тақырыбы: «Секіреміз, жүгіреміз»
Мақсаты: Балаларды салауатты өмір сүруге және қызығушылығын арттыру. Спортпен айналысудағы әртүрлі дене шынықтыру жаттығуларын әдістерін үйрету, балалардың қимыл - қозғалысын және күш қуатын белсенділігін дамыту.
Балалардың денесін шыңдап шапшаңдыққа, ептілікке тәрбиелеу. Сайыс кезінде ойынға қызыға қатысуына жағдай, бір - біріне достық қарым – қатынастарын дамыту.
Керекті
құралдар: Доптар, кедергілер, жалаушалар, шарлар, гимнастикалық отырғыш, таяқшалар.
Жүру барысы: Армысыздар, құрметті тәрбиешілер, тәрбиеленуші бүлдіршіндер. Бүгінгі
«Секіреміз, жүгіреміз» атты эстафеталық сайысына қош келдіңіздер!
Әр таңды бақытпен атырамыз
өнерді ой көгінде бақылаңыз
сайысқа қатысуға енді ортаға
бүлдіршін спортшыларды шақырамыз!
Ортаға сайысқа түсетін топтарды шақырамыз (балалар тәрбиешілермен бірге ортаға кіріп, қатарға тұрады)
Жарысымызды бақылап отыратын әділқазылар алқасымен танысып алайық!
Балабақша әдіскері: А. Б. Уразова
Балабақша психологы: А. Бисенбиева
Балабақша тәрбиешісі: А. Т. Жалмуханбетова
(Осы кезде орманнан түлкі, қасқыр, аю кіреді)
Түлкі: Сәлеметсіңдер ме, балалар!
Жүргізуші: Сәлеметсіздер ме, аңдар, сендер қайдан келе жатсыңдар
Қасқыр: Біз орманды аралап жүріп, балабақшада сайыс болатынын естіп, бізде балалармен
Бірге сайысқа қатысуға болама, бізде денемізді шынықтырып жарыссақ болама?
Жүргізуші: Жарайды, сендер арнайы осы сайысқа келіп қалған екенсіңдер, ендеше қош келдіңіздер, балалармен бірге ойынға қатысып тамашалаңдар.
(Аңдар әр команданың қасына барып тұрады)
Ал, ендеше бүгінгі сайысқа қатысушы балдырғандарға толағай табыс және сәттілік тілейміз!
1. Таныстыру
2. «Шар жинау»
3. «Самокат тебу»
4. «Қояндарша секіру»
5. «Сиқырлы доптар»
6. «Арқан тартыс»
1. Таныстыру әр команда ортаға шығып өз командасын таныстырады.
2. «Шар жинау»: Еденде әр түрлі түсте қызыл, көк, сары, ақ шарлар шашылып жатады, әр команда, өзінің түсін жинап, себетке салу керек.
3. «Самокат тебу»: Кедергілер арқылы өтіп, межеден айналып келу керек.
4. «Қояндарша секіру»: Қос аяқпен қояндарша таяқшадан секіріп, гимнастикалық отырғышқа тартылып, межеден айналып келу.
5. «Сиқырлы доптар»: Еденмен допты айналдырып жүріп, межеден айналып келу.
6. «Арқан тартыс»: Екі командыдан бөлініп, арқан тартыс ойынын ойнайды.
Жүргізуші: Жарайсыңдар, балалар! Сайысқа қатысушы балдырғандар жақсы дайындықпен келіпті, шапшаңдықты көрсете білдіңдер!
Түлкі: Балалар сендермен сайысқа түскен ұнады, сендерге рахмет!
Жүргізуші: Әділқазылар шешім шығарғанша ортада орындалатын «Көбелектер» биін тамашалаймыз.(Би орындалады, әділқазылар жеңімпаздарды мадақтау тапсырылады)
Қасқыр: Ой, балалар біздің де орманға қайтатын уақыт болды, бізге бәрі ұнады, біз кетейік,
Сау болыңыздар!(аңдар қоштасып шығып кетеді)
Жүргізуші: Құрметті тәрбиешілер, бүлдіршіндер бүгінгі сайысымыз осымен аяқталды.
Бүгін міне оң болып, әр ісіміз,
жоғары боп күш - жігер, намысымыз.
Осылайша қуанышпен думандатып,
аяқталды халайық сайысымыз!
Сайысқа қатысқандарға алғысымызды білдіреміз. Алдағы күндері үлкен сайыс көрініп, шапшаңдық танытып, биіктерден көріне беріңіздер! Сау болыңыздар!

Атырау қаласы, Бірлік ауылы,
№ 35 «Балақай» бөбекжай - бақшасының дене шынықтыру нұсқаушысы
Ташимова Раушан Нигметовна
Секіреміз, жүгіреміз. жүктеу