Шалқайма
Ресей отарлаушыларының қысымына шыдамаған Қожеке қоныс аударуға мәжбүр болады. Қарқарада отырғанда ауыл-дастарын шақырып алып:
— Қотаныңнан шыққаның — отаныңнан шыққаның емес. Іленің арғы жағы да біздің бабаларымыздың ата қонысы. Соған көшелік. Қытайдың көзі қысық болғанымен, өзі пысық, сөзге түсінеді, — дегенде, бірсыпыра ағайын келіспей, шалқая тыңдап, теріс пікір білдіреді.
Сонда Қожеке жаңа бір күй тартады.
Тыңдап болғанның бірі:
— Көке, бұл қай күйіңіз? — дейді.
— «Еңкейгенге еңкей, ол — адамның құлы емес, шалқайғанға шалқай — ол Құдайдың ұлы емес», күйдің аты «Шалқайма» — депті.
Сонда барып біраз ағайын Қожекенің сөзіне тоқтаған екен.
You Might Also Like
-
Еліңнің ұлы болсаң, Еліңе жаның ашыса, азаматтық намысын болса, қазақтың ұлттық жалғыз мемлекетінің нығайып – көркеюі жолында жан теріңді сығып жүріп еңбек ет. Жердің де, елдің де иесі өзің е...
-
Аспан айналып жерге түскендей ыстық. Еңселі үйдің алдынан балалардың айқай-шуы естіледі. Өңшең бір жалаңаштар. Театр үйінің қиыр бетіндегі суы көкке атылған фонтандардың маңында қарақұрым суға шомы...
