InfoHub Logo

Композитор Шәмші Қалдаяқовтың келіні Ботагөз Қалдаяқова ақын, қоғам қайраткері Мұхтар Шахановтың өмірінің соңғы жылдарындағы маңызды бір ақиқатты жария етті.

Бұл туралы Infohub.kz ақпарат агенттігі хабарлайды.

Отбасылық байланыс және естеліктер

Ботагөз Қалдаяқованың айтуынша, Мұхтар Шаханов олардың отбасына ертеден таныс болған. Ақын жас кезінен Шәмші Қалдаяқовтың Алматыдағы пәтеріне жиі қонаққа келіп жүрген.

1991 жылы Шәмші Қалдаяқов 60 жылдық мерейтойынан кейін қатты сырқаттанғанда, Мұхтар Шаханов жақын досы ретінде оны Алматыдағы үйіне жеткізіп, жанында болған.

Авторлық құқық және әділдік

Ботагөз Қалдаяқова Мұхтар Шахановпен 2024 жылдың соңында танысқанын айтты. Сол кезде олардың қоры Шәмші Қалдаяқовпен бірлесіп жазылған әндердің авторлық құқықтарын қорғау туралы келісімге келген.

Ақынның сөзінше, Мұхтар Шаханов сегіз жыл бойы авторлық қоғамдардан ешқандай қаламақы алмаған. Алайда, «Шәмші әлемі» қорының жұмысы арқасында Шахановтың сөздеріне жазылған әндер үшін әділ сыйақы төленуіне қол жеткізілді.

«Мұхтар аға өмірінің соңғы екі жылында болса да, өз мұрасына қатысты әділдіктің бар екенін көріп кетті. Жатқан жері жайлы болып, Жаратқан жанына тыныштық берсін. Мұхтар Шаханов нағыз азамат, ақын, тынымсыз шығармашылық иесі еді», - деп жазды Ботагөз Қалдаяқова.