InfoHub Logo

Бірнеше апта бұрын әлеуметтік желіде Тұрсынбек Қабатовтың екінші әйелі Айманнан кетіп, бұрынғы жары Мөлдір Мұқановаға қайта оралғаны туралы қауесет тарады. Бұл сөздер Тұрсынбектің Инстаграм парақшасынан жоғалып кеткен Айман есімді әйелі туралы айтылған пікірлерге байланысты өрбіді. Алайда, бұл жаңалыққа қатысты Facebook желісінде талқыланған пікірлер мұның бәрі жарнамалық науқан болуы мүмкін деген күдік тудырды.

Бұл туралы Infohub.kz ақпарат агенттігі хабарлайды.

Журналисттің пікірі

Танымал журналист Мөлдір Бақыт өзінің Facebook парақшасында бұл жағдайға қатысты ойын бөлісті. Оның айтуынша, Тұрсынбек Қабатовтың бұрынғы әйелі Мөлдір Мұқанованың парақшасында бұрынғы суреттерінің қайта пайда болуы, ал «екінші әйелі» Айманның парақшасының жоғалуы – бәрі алдағы уақытта шығатын фильмге жасалған пиар.

«14 жыл бұрын басқа әйелмен жүріп кеткен күйеуінің әрекеті жайлы фильм шығар алдында «көл көсір жылап» сұхбат берді. Енді күйеуімен қайта «қосылған». Фильмі шықпаса, дүрдараздық жария болмай, араларында қалар ма еді? Әрі қарай, жырқылдап түк болмағандай өмір сүре берер. Подписчиктер де түк болмағандай жүре бере ме?» – деп жазды журналист.

Мөлдір Бақыт халықты осылай алдап, пиар жасаудың дұрыстығына да күмән келтірді. Ол халықтың ақкөңілдігін пайдаланып, үнемі алдауға болмайтынын айтты.

Желі қолданушыларының пікірлері

Журналисттің жазбасы астындағы пікірлер де осы ойды растайды. Көпшілік Тұрсынбек Қабатовтың бұл оқиғасының жалған екенін сезгендерін, мұның бәрі фильмнің жарнамасы екенін айтты.

«Тұрсынбектің оқиғасында өтірік бары сезіліп еді. Басқа басқа, егер шын солай болса, анау әлгі жұлқынып тұрған «сен тұр, мен атайын» қыздары әжептәуір қозғалар еді мінез көрсетіп. Бәрі бір қойлымның ішінде жүргені аңғарылып тұрды ғой негізі. Әрі қарай айта берсең - өсек енді», – деп жазды бір қолданушы.

«Сол Айманның бары өтірік те шығар, жәй кино үшін пиар», «Сол әңгіме шыққанда айттым. Олар ажырасқан жоқ. Бәрі сол пиар үшін. Елдің назарын аудару үшін жасалған» деген пікірлер де жиі кездесті.

Шынайылыққа күмән

Егер бұл жағдай Мөлдір Мұқанованы жарыққа шығару үшін жасалған пиар болса, онда «Тұрсынбегім» деп Инстаграмда жүрген Айманның өзі Тұрсынбек Қабатовтың әйелі болмауы да мүмкін. Егер ол Тұрсынбектің шынайы әйелі болса, неге олардың отбасылық суреттері мен видеолары көпшілікке жарияланбайды? Неге Айман тек өзінің жарнамасымен шектеледі? Тұрсынбек Қабатов неге өзінің «екінші әйелін» көпшілікке көрсетпейді? Бұл сұрақтардың бәрі бұл жағдайдың тек пиар екенін меңзейді.